Foto: Knews.

Biıl jeltoqsan ayınıñ 1-i küni qırğız basşısı Almazbek Atambaevtıñ ökilettik merzimi ayaqtaladı. Osığan baylanıstı qırğızstandıq BAQ ökilderi Atambaevtıñ altı jılda jwmsağan qarjısınan bastap, qanday kölikpen jüretinine deyin jarısa jazuda.

Olardıñ esebinşe, 2012 jıldıñ 1 jeltoqsanınan bastap, 2017 jıldıñ qazan ayına deyin qırğız prezidentiniñ äkimşiligi 2 milliard 682 873, 92 som qarjı jwmsağan. Bwl qarjınıñ işine Almazbek Atambaevtıñ jalaqısı, prezident äkimşiligi qızmetkerleriniñ eñbekaqısı barlığı kirgen.

Qırğızstan Qarjı ministrligi portalındağa «aşıq byudjet» böliminde körsetilgen mälimetter boyınşa, Almazbek Atambaev 2012-2016 jıldar aralığında 5 million 772 mıñ som köleminde jalaqı alğan. Biraq bwnıñ barlığı prezident äkimşiligi jwmsağan qarjınıñ tolıq esebi emes. Bwl jerde Qırğızstan Qarjı ministrligi Atambaevtıñ prezident rezidenciyasındağı şığındarı men jürip-twru, is-sapar şığındarın eseptemegen.

“The Qazaq Times”