فوتو: Knews.

بيىل جەلتوقسان ايىنىڭ 1-ءى كۇنى قىرعىز باسشىسى المازبەك اتامباەۆتىڭ وكىلەتتىك مەرزىمى اياقتالادى. وسىعان بايلانىستى قىرعىزستاندىق باق وكىلدەرى اتامباەۆتىڭ التى جىلدا جۇمساعان قارجىسىنان باستاپ، قانداي كولىكپەن جۇرەتىنىنە دەيىن جارىسا جازۋدا.

ولاردىڭ ەسەبىنشە، 2012 جىلدىڭ 1 جەلتوقسانىنان باستاپ، 2017 جىلدىڭ قازان ايىنا دەيىن قىرعىز پرەزيدەنتىنىڭ اكىمشىلىگى 2 ميلليارد 682 873, 92 سوم قارجى جۇمساعان. بۇل قارجىنىڭ ىشىنە المازبەك اتامباەۆتىڭ جالاقىسى، پرەزيدەنت اكىمشىلىگى قىزمەتكەرلەرىنىڭ ەڭبەكاقىسى بارلىعى كىرگەن.

قىرعىزستان قارجى مينيسترلىگى پورتالىنداعا «اشىق بيۋدجەت» بولىمىندە كورسەتىلگەن مالىمەتتەر بويىنشا، المازبەك اتامباەۆ 2012-2016 جىلدار ارالىعىندا 5 ميلليون 772 مىڭ سوم كولەمىندە جالاقى العان. بىراق بۇنىڭ بارلىعى پرەزيدەنت اكىمشىلىگى جۇمساعان قارجىنىڭ تولىق ەسەبى ەمەس. بۇل جەردە قىرعىزستان قارجى مينيسترلىگى اتامباەۆتىڭ پرەزيدەنت رەزيدەنتسياسىنداعى شىعىندارى مەن ءجۇرىپ-تۇرۋ، ءىس-ساپار شىعىندارىن ەسەپتەمەگەن.

“The Qazaq Times”