Endi medicinalıq wyımdardı qajetti qwrılğılarmen qamtamasız etu investorlardıñ, lizingterdiñ, memlekettik-jekemenşik seriktesterdiñ esebinen boladı. Bwl turalı QR Prem'er ministriniñ orınbasarı Erbolat Dosaev mälimdedi. 

Parlament mäjilisiniñ plenarlı otırısında deputattar ükimet müşelerine osı jıldıñ byudjetindegi medicinalıq tehnikalardı satıp aluğa arnalğan 10 mlrd teñge nelikten jwmsalmağanın swradı. Bwğan Dosev "Qazaqstan mwnday täjiribeden tolıq bas tartudı josparlap otır" degen jauap qayırdı.

"Qazirgi uaqıtta satıp alınğan medicinalıq tehnikalardıñ paydalanıluına qatıstı reviziya jürgizilude. Bwdan bwrın qımbat jabdıqtarğa köp aqşa jwmsaldı, biraq qazirgi kezde olar bir sebeptermen tolıqtay paydalanılmay nemese jwmıs istemey twr. Sondıqtan, kelesi üş jıldağı byudjette mwnday jabdıqtardı satıp aluğa qarajat qarastırılmağan", - dedi Dosaev.

Onıñ sözinşe, 2018 jıldan bastap jergilikti äkimdikter autsorsing ötkizuge,  medicina qwrılğıların satıp aludı memlekettik jeke seriktesterdiñ qolına beruge dayın eken.

"Bwdan bölek lizing dami tüsedi. Köptegen iri kompaniyalar lizing qağidatı boyınşa medicina qwrılğıların jetkizip beruge dayın jäne osı jwmıs jandanatın boladı. Biz bir ret qoldanılatın qwraldarğa qarajat jwmsaudan bas tartıp otırmız. Sebebi olar tehnikalıq twrğıdan tez eskirip ketedi. Sondıqtan bizdiñ auruhanalarğa qajetti qwraldardı jaña şarttarmen jetkizip beruge mümkindigimiz bolu kerek: ol ne je biznes, ne lizing negizinde", - dedi Prem'er ministrdiñ orınbasarı.

“The Qazaq Times”