2017 jıldıñ basınan bastap 9 ay qorıtındısı boyınşa salımşılardıñ şottarına bölingen taza investiciyalıq tabıs 462 mlrd teñgeden asqan. Bwl turalı Birıñğay jinaqtauşı zeynetaqı qorı mälimdedi.

BJZQ mälimetinşe, zeynetaqı aktivteri boyınşa investiciyalıq tabıs qarjı narığındağı jağday men QR Wlttıq Banki zeynetaqı aktivterin investiciyalağan qarjı qwraldarınıñ qwnına baylanıstı. Zeynetaqı aktivteri portfelin basqaru boyınşa investiciyalıq qızmet turalı tolıq aqparat BJZQ-nıñ resmi saytına ornalastırılğan.

Wzaqmerzimdi keleşekte tabıstılıqtıñ teñdestirilgen deñgeyin qamtamasız etu maqsatında Qazaqstan Respublikasınıñ Wlttıq Banki öz investiciyalıq strategiyasında türli qarjı qwraldarınan twratın ärtaraptandırılğan investiciyalıq portfel' twjırımdamasın wstanadı.

"2017 jılğı 1 qazandağı jağday boyınşa QR WB basqaruındağı BJZQ-nıñ zeynetaqı aktivteri barlığı 7 544,70mlrd teñgeni qwradı, bwl körsetkiş 6 680,14 mlrd teñgeni qwrağan jıl basımen salıstırğanda ol 864,56 mlrd. teñgege köp (ösim şamamen 13%)", - delingen baspasöz habarlamasında.

Bwl rette BJZQ-nıñ zeynetaqı aktivteriniñ investiciyalıq portfelindegi borışqorlıq qarjı qwraldarın öteuge ortaşa saralanğan tabıstılıq osı jıldıñ 1 qazanındağı jağday boyınşa jılına 7,8% qwrağan.

“The Qazaq Times”