Foto: NTV

Qazaqstandağı mwnay öñdeu zauıttarınıñ äue kompaniyalardıñ  kerosin qajettigin tolıq qamtamasız ete almauı jäne Reseydiñ äue kemelerine arnalğan otındı eksporttauğa tıyım saluı "Eyr Astana" äue kompaniyasın alañdatıp otır. Bwl turalı bügin kompaniya prezidenti Piter Foster Almatıda ötken baspasöz konferenciyasında mälimdedi.

"Äue kerosinine qatıstı jağday qiın. Sizder tüsinu üşin aytayın,  Qazaqstandağı äue kompaniyalarğa ayına 17,5 mıñnan 21 mıñ tonnağa deyin kerosin qajet. Qazaqstandağı üş mwnay öñdeu zauıtı aviaciya narığındağı swranıstıñ üşten eki böligin ğana qamtamasız etedi. Al üşten bir böligin şetelden satıp aluğa tura keledi", - dedi Foster.

Onıñ sözinşe, birneşe ay bwrın Resey işki narıqtağı swranıstıñ artuına baylanıstı özderiniñ TS-1 kerosinin eksporttaudı şekteytinin mälimdegen jäne bwl äue otınına qatıstı jağdaydı uşıqtırıp jibergen. Bwdan bölek äue kompaniyanıñ basşısı atap ötkendey,"Qazaqstanda birde bir MÖZ öziniñ öndiris quatın  ondağan jıldardan beri arttırmağandıqtan, kerosin tapşılığı tarihi problema" bolıp otır.

Al osı mäselelerdi şeşu maqsatında "Eyr Astana" köptegen elderden satıp aluğa bolatın  JA-1 kerosinine ötu turalı wzaq merzimdi şeşim qabıldağan.

“The Qazaq Times”