Irak Kürdistanında belgisiz qarulı adamdar Kurdistan TV telearnasınıñ operatorın öltirgen. Oğan Kirkuk provinciyasınıñ Dakuk qalasında ornalasqan öz üyinde qastandıq jasalğan. Bwl turalı kürdtik Rudaw telearnasına silteme jasap Ria Novosti habarladı.

Kirkuk 25 qırküyekte ortalıq biliktiñ kelisiminsiz täuelsizdik referendumın ötkizgen kürd avtonomiyası men Bağdad arasındağı qarsılıq alañına aynalğan qala. Referendumnan keyin Bağdad soñğı jıldarı kürdter baqılap jürgen osı provinciyağa öz äskerlerin qayta äkelu turalı şeşim qabıldağan, biraq äsker Konstituciya boyınşa avtonomiyağa kirmeui kerek.

"Keşe tünde birneşe qarulı adam bizdiñ operatorımız Arkan Şarifidiñ üyine basıp kirip, onı öltirgen", - dep habarlağan Kurdistan TV jetekşisi  Karvan Akrai.

Onıñ sözinşe, operatordı otbasınıñ közinşe öltirgen. Qazirgi kezde tergeu jwmıstarı jürgizilip jatır.

Şarifi jergilikti telearnada 13 jıl qızmet atqarğan jäne Dakuka audanındağı bastauış mektepterdiñ birine jetekşilik etken.

“The Qazaq Times”