Iordaniya koroli Abdullah II. Foto: Strategic Intelligence Service.

Irplaniya koroli Iraktıñ Kürd avtonomiyasınıñ basşısı Mesut Barzanidi qabıldadı. Bwl turalı aqparat qwraldarı Barzanidiñ internettegi resmi paraqşasına silteme jasay otırıp habarlağan.

Iordaniya koroli Abdullah II men Barzani Iordaniyanıñ ortalıq qalası Ammanda kezdesken. Mälimetterge qarağanda, Iordaniya koroli men Kürd avtonomiyasınıñ basşısı aymaqtağı jaña sayasi jağdaylardı talqığa salğan. Öñirdegi qauipsizdik pen twraqtılıq jäne damu taqırıptarında keñesken.

Kezdesuden keyin taraptar terrorizmge qarsı ortaq küresti qolğa alatının mälimdegen. Korol' Abdullah II men Barzani arasındağı kezdesuge Iraktıñ bwrınğı SİM basşısı jäne qarjı ministri Hoşyar Zebari men Iordaniyanıñ taq mwrageri Feysal ibn Huseyn de qatısqan.

Iordaniya koroliniñ Iraktağı kürd avtonomiyasınıñ jetekşisin qabıldauına AQŞ memlekettik hatşısı Mayk Pompeonıñ aymaqtağı saparı tikeley sebep boldı deuge negiz bar. Irak, Süriya jäne Türkiya men Irannıñ keybir öñirlerinde jasap jatqan 40 millionnan astam kürdter derbestik jolındağı küresterin barğan sayın küşeytip keledi. Süriyadağı kürd qarulı küşteri AQŞ-tıñ DAIŞ-ke qarsı odaqtastarınıñ biri bolğan.  Anıq mälimdeme jasamağanımen, AQŞ-tıñ öñirdegi qadamdarı kürdterdiñ derbestigin belgili därejede qoldaytının añğartadı.

“The Qazaq Times”