Kataloniyanıñ bwrınğı basşısı Karles Pudjemon.

Ispaniyanıñ sırtqı ister ministri Al'fonso Dastis mälimdeme jasap, qızmetten bosatılğan Kataloniyanıñ bwrınğı lideri jeltoqsan ayındağı saylauğa qatısa alatının ayttı. Alayda, ol tek qamauğa alınbağan jağdayda ğana qatısa alatının da eskertti. Bwl turalı BBC-diñ resmi saytı jazdı.

Al'fonso bwl mälimdemesin Barselonadağı Ispaniya birligin qoldap, şeruge şıqqandar aldında twrıp jasadı. Kataloniya birjaqtı täuelsizdik jariyalağannan keyin Ispaniya biligi bwl aymaqtıñ avtonomiyalıq statusınan alıp tastadı jäne Kataloniya liderin jwmıstan bosattı.

Älem aqparat közderine qaraytın bolsaq, qazirgi kezde Ispaniya ortalıq ükimeti Kataloniyanıñ barlıq mekemelerin tolıqtay basqaruında wstap twr. Aldağı uaqıtta Ispaniyanıñ bas prokuraturası Kataloniyanıñ qızmetten bosatılğan lideri Pudjemonttıñ jäne özge de basşılardıñ üstinen qılmıstıq is qozğauı mümkin. Olar Ispaniyanıñ Konstituciyasın bwzdı dep ayıptaluda.

“The Qazaq Times”