Büginde pandemiya saldarınan Qazaqstanda jwmıs orındarı uaqıtşa jabılıp, qalalarğa karantin rejimi engizildi. Atalmış indettiñ zardabın biz ğana emes, düniejüzi elderiniñ tügelge juığı tartıp otır. Europalıq Odaqtıñ boljamına süyensek, koronavirus dertinen älem boyınşa 25 millionday adam jwmısınan ayırıluı mümkin. Al, mamandar bwl ekinşi düniejüzilik soğıstan beri bolmağan dağdarısqa äkep soqtıruı ıqtimal ekenin aytadı, dep jazadı BBC basılımı.

Ispaniyada karantin bastalğalı beri 900 mıñğa juıq adam jwmısınan ayırılğan

Statistika boyınşa, Ispaniyadağı karantin bastalğalı beri 898,822 adam jwmısın ayırılğan. Onıñ 550 mıñı uaqıtşa jwmıs istegender. Resmi jwmıssızdıq körsetkişi 3,5 millionğa deyin ösken. Mwnday körsetkiş soñğı ret 2017 jılğı säuirde tirkelgen. Eñbek ministrliginiñ aytuınşa, äsirese turizm men qwrılıs salası qattı soqqı alıp otır.

Qazir Ispaniya mañızdı is-şaralardan basqasınıñ bärine tıyım saldı, sonday-aq naurız ayınıñ ortasınan bastap köptegen käsiporın da jwmısın toqtattı. Naqtı statistika Ispaniyanıñ densaulıq saqtau ministrliginiñ habarlauınşa, 10, 003 adam koronavirustan qaytıs bolğan. Onıñ 950-i soñğı 24 sağat işinde tirkelgen. Al, särsenbide jwqtırğandar sanı 102,136 adamnan 110,238 adamğa jetti. Ötken kündermen salıstırğanda auırğandar sanı 8 payızğa ösip, qazir virustıñ taraluı örşip twr, jaqın künderde tömendeydi dep kütilude.

AQŞ-ta jwmıssızdıq saldarınan järdemaqı aluğa 6,6 mln adamnan ötiniş tüsken

AQŞ-ta ötken aptada jwmıssızdıq saldarınan järdemaqı aluğa jaña ötinimder sanı 6,65 mln-ğa jetken, eldiñ Eñbek ministrliginiñ aytuınşa, bwl aldıñğı aptadağıdan eki ese köp. Bwl körsetkişter sarapşılardıñ boljamınan da asıp tüsken. Mamandardıñ sözinşe, eldegi köp ştatta engizilgen karantinge baylanıstı käsiporındar jwmısın toqtatuğa mäjbür boldı. Sonıñ saldarınan jwmıssızdıq deñgeyi artıp, eldegi jwmıssızdardıñ sanı 20 millionğa deyin jetui mümkin degen boljam bar. Bwl jwmıs küşiniñ 15 payızı. Bwl tipti, 1930 jıldardağı ülken dağdarıs kezeñindegi körsetkişten de joğarı.

Qazir AQŞ-ta 5 mıñnan astam adam koronavirustan qaytıs boldı, işinde altı aptalıq säbi de bar. Soñğı bir künde AQŞ-ta koronavirus infekciyasın jwqtırğandar sanı 25 000-nan astı. Jalpı 240 mıñnan astam azamat koronavirustıñ qwrbanı boluı mümkin degen boljam aytılıp otır. Eñ köp zardap şekken qala – N'yu-York. Qaladağı sınaq tapsırğandardıñ 47,500-i oñ nätije körsetip, 1300-den astam adam qaytıs boldı. Sonday-aq, Detroyt pen Jaña Orlean siyaqtı qalalarda da jwqtırğandar sanı artuda. Al Florida, Djordjiya jäne Missisippi ştattarı karantin engizu turalı şeşimdi eñ soñğı bolıp qabıldadı. El twrğındarınıñ 75 payızdan astamına üyden şıqpauğa bwyrıq berilgen.

Italiyada önerkäsip öndirisi 15 payızğa deyin tömendeui mümkin

Italiya älemde qaytıs bolğandar sanı jağınan eñ joğarı körsetkişke ie. Jaña mälimetter boyınşa 13 915 adamnıñ köz jwmğan. Soñğı milñmetter boyınşa 24 sağat işinde bwl 760-qa artqan. Al virustı jañadan jwqtırğan 2 477 adam tirkelip, jwqtırğanardıñ jalpı sanı 83 049-ğa jetti.

Italiya virustıñ aldın-alu boyınşa qatañ şaralar qabıldağan batıstağı birinşi memleket. El ükimeti virus saldarınıñ ekonomikağa qattı soqqı bolatının eskertken edi. Italiyanıñ bastı biznes qauımdastığı önerkäsip öndirisi jıldıñ ekinşi toqsanında 15 payızğa deyin tömendeui mümkin ekenin jetkizdi. Mwnday körsetkiş soñğı ret 2009 jılğı dağdarıs kezinde bolıptı.

Reseyde el prezidenti Vladimir Putin karantinniñ uaqıtın säuirdiñ soñına deyin wzarttı. Bel'giyada virus jwqtırıp qaytıs bolğandar sanı 1000-nan assa, Iranda 3100-den astam adam qaytıs bolğanı resmi türde jariyalanıp otır.

Filippin prezidenti Rodrigo Duterte azamattar şekteulerge baylanıstı qiındıqtar tuğızğan jağdayda olardı atıp öltiruge bolatının eskertti. Sonımen qatar, policiya men äskeri qızmetkerlerdiñ ömirine qauip töngen jağdayda da olardıñ atuğa qwqılı ekenin ayttı.

Al Qıtaydıñ Şınjın qalası aurudıñ taraluınan mısıq pen itti jeuge tıyım saldı. Kanada prem'er-ministri Djastin Tryudo el tarihındağı eñ iri ekonomikalıq bağdarlama jasauğa uäde etti.

Ayta keteyik, Djons Hopkins universitetiniñ mälimetinşe, bükil älemde koronavirus infekciyasın jwqtırğandar sanı millionnan astı. Älem boyınşa 50 200-den astam ölim tirkelip, onıñ 204 mıñnan astamı sauığıp ketken.

"The Qazaq Times"