Каталонияның бұрынғы басшысы Карлес Пуджемон.

Испанияның сыртқы істер министрі Альфонсо Дастис мәлімдеме жасап, қызметтен босатылған Каталонияның бұрынғы лидері желтоқсан айындағы сайлауға қатыса алатынын айтты. Алайда, ол тек қамауға алынбаған жағдайда ғана қатыса алатынын да ескертті. Бұл туралы BBC-дің ресми сайты жазды.

Альфонсо бұл мәлімдемесін Барселонадағы Испания бірлігін қолдап, шеруге шыққандар алдында тұрып жасады. Каталония біржақты тәуелсіздік жариялағаннан кейін Испания билігі бұл аймақтың автономиялық статусынан алып тастады және Каталония лидерін жұмыстан босатты.

Әлем ақпарат көздеріне қарайтын болсақ, қазіргі кезде Испания орталық үкіметі Каталонияның барлық мекемелерін толықтай басқаруында ұстап тұр. Алдағы уақытта Испанияның бас прокуратурасы Каталонияның қызметтен босатылған лидері Пуджемонттың және өзге де басшылардың үстінен қылмыстық іс қозғауы мүмкін. Олар Испанияның Конституциясын бұзды деп айыпталуда.

“The Qazaq Times”