Foto: AFP 2017 / Bulent Kilic

Bügin Astana qalasında jetinşi retki Süriya kelissözi bastaladı. Kelissöz eki künge sozıladı. Jeksenbi küni Astanağa är elden delegaciyalar kele bastağan. 

QR Sırtqı ister ministrliginiñ mälimetinşe, Resey delegaciyasına RF Prezidentiniñ Süriya jönindegi arnayı ökili Aleksandr Lavrent'ev, Türkiya delegaciyasına sırtqı ister ministriniñ orınbasarı Sedat Onal, Iran delegaciyasına sırtqı ister ministriniñ orınbasarı Huseyn Djaberi Ansari basşılıq etedi.

Aldağı kezdesuge Süriya ükimetiniñ jäne süriyalıq oppoziciyanıñ, sonday-aq bayqauşı retinde BWW, AQŞ jäne Iordaniyanıñ ökilderi qatısadı.

"Aldağı kezdesu Süriyada wrıs is-qimıldarın doğaru rejimin nığaytu boyınşa qol jetkizilgen nätijelerdi saqtauğa, sonday-aq dağdarıstı sayasi retteuge ötu kezeñinde atalğan eldegi jağdaydı äri qaray twraqtandıru şeñberinde küş-jigerlerdi arttıruğa bağıttalğan", - delingen ministrliktiñ baspasöz habarlamasında.

“The Qazaq Times”