QR Aqparat jäne kommunikaciya ministri Däuren Abaev. Foto: Tengrinews.kz

QR Aqparat jäne kommunikaciya ministri Däuren Abaev pikir qaldıruşılardıñ aldın alu jäne blogerlerdi tirkeu turalı normalardıñ Zañ jobasınan alıp tastalğanın mälimdedi, - dep habarlaydı Tengrinews.kz tilşisi.

Abaev ministrliktiñ aqparat jäne kommunikaciyalar mäselelerine qatıstı zañ jobası boyınşa türli alañdarda qoğamdıq talqılau ötkizip jatqanın atap ötti. "Bwl proceske sarapşılar men jurnalister jäne azamattıq sektor tartıluda. Talqılaudıñ barlıq kezeñinde qatısuşılar ayrıqşa nazar audarğan normalardıñ biri jasırın pikir qaldıruşılardıñ aldın alu (deanonimizaciya) mäselesi boldı", - dep jazdı ministr Facebook jelisindegi paraqşasında. Bwl turalı Kaz.tengrinews.kz habarlaydı.

Sonday-aq, onıñ aytuınşa, bwl norma trollingke, tekserilmegen aqparattardı taratu men arandatuğa, ekstremizmdi nasihattau men äleumettik janjaldarğa şaqıruğa qarsı küreske bağıttalğan edi. Sonımen qatar, jwmıs tobı otırıstarınıñ şeñberinde sarapşılar men jurnalister tarapınan blogerlerdi tirkeu wsınısına qatıstı köptegen eskertpeler tüsipti.

"Biz bwl normada jelidegi tanımal qoldanuşılardıñ BAQ-pen teñestiriluin jäne bwl procestiñ erikti türde atqarıluın qamtamasız etudi közdegen bolatınbız. Ministrlik barınşa aşıqtıqtı wstanğandıqtan jäne qoğamnıñ ärbir wsınısın eskerudi jön körgendikten, bügin joğarıda atalğan normalardı Zañ jobasınan alıp tastau jöninde şeşim qabıldandı", - dep mälimdedi Däuren Abaev.

Eske salayıq, osığan deyin Qazaqstanda zañğa Internette öz atı-jönimen tirkelmegenderge pikir jazuğa tıyım saludı qarastıratın tüzetuler engiziletini habarlanğan.

"The Qazaq Times"