اباەۆ: جاسىرىن پىكىر قالدىرۋشىلاردى انىقتاۋ جانە بلوگەرلەردى تىركەۋ تۋرالى نورما الىپ تاستالدى

اباەۆ مينيسترلىكتىڭ اقپارات جانە كوممۋنيكاتسيالار ماسەلەلەرىنە قاتىستى زاڭ جوباسى بويىنشا ءتۇرلى الاڭداردا قوعامدىق تالقىلاۋ وتكىزىپ جاتقانىن اتاپ ءوتتى. "بۇل پروتسەسكە ساراپشىلار مەن جۋرناليستەر جانە ازاماتتىق سەكتور تارتىلۋدا. تالقىلاۋدىڭ بارلىق كەزەڭىندە قاتىسۋشىلار ايرىقشا نازار اۋدارعان نورمالاردىڭ ءبىرى جاسىرىن پىكىر قالدىرۋشىلاردىڭ الدىن الۋ (دەانونيميزاتسيا) ماسەلەسى بولدى", - دەپ جازدى مينيستر Facebook جەلىسىندەگى پاراقشاسىندا. بۇل تۋرالى Kaz.tengrinews.kz حابارلايدى.

سونداي-اق، ونىڭ ايتۋىنشا، بۇل نورما تروللينگكە، تەكسەرىلمەگەن اقپاراتتاردى تاراتۋ مەن ارانداتۋعا، ەكسترەميزمدى ناسيحاتتاۋ مەن الەۋمەتتىك جانجالدارعا شاقىرۋعا قارسى كۇرەسكە باعىتتالعان ەدى. سونىمەن قاتار، جۇمىس توبى وتىرىستارىنىڭ شەڭبەرىندە ساراپشىلار مەن جۋرناليستەر تاراپىنان بلوگەرلەردى تىركەۋ ۇسىنىسىنا قاتىستى كوپتەگەن ەسكەرتپەلەر ءتۇسىپتى.

ء"بىز بۇل نورمادا جەلىدەگى تانىمال قولدانۋشىلاردىڭ باق-پەن تەڭەستىرىلۋىن جانە بۇل پروتسەستىڭ ەرىكتى تۇردە اتقارىلۋىن قامتاماسىز ەتۋدى كوزدەگەن بولاتىنبىز. مينيسترلىك بارىنشا اشىقتىقتى ۇستانعاندىقتان جانە قوعامنىڭ ءاربىر ۇسىنىسىن ەسكەرۋدى ءجون كورگەندىكتەن، بۇگىن جوعارىدا اتالعان نورمالاردى زاڭ جوباسىنان الىپ تاستاۋ جونىندە شەشىم قابىلداندى", - دەپ مالىمدەدى داۋرەن اباەۆ.

ەسكە سالايىق، وسىعان دەيىن قازاقستاندا زاڭعا ينتەرنەتتە ءوز اتى-جونىمەن تىركەلمەگەندەرگە پىكىر جازۋعا تىيىم سالۋدى قاراستىراتىن تۇزەتۋلەر ەنگىزىلەتىنى حابارلانعان.

"The Qazaq Times"