"Halıq bank" AQ basqarma törağası Ümit Şayahmetova. Foto: Ratel.kz

Halıq banktiñ basqarma törağası Ümit Şayahmetova Wlttıq banktiñ bank sektorınıñ qarjılıq twraqılığına qatıstı bağdarlamasına bağa berdi. Ol bağdarlama boyınşa bankterge beriletin qarjınıñ biraz böligi joğalıp ketui mümkin ekenin joqqa şığarğan joq. 

"Jalpı, bank sektorına arnalğan bağdarlama qolaylı, men onı oñ bağalap, qoldaymın. Biraq mwndağı mäsele bankterdiñ bağdarlamanı qalay qoldanatınında bolıp otır. Bwl turalı meniñ naqtı swraqtarım bar. Keybir qarjı instituttarına qoldau bağadarlaması kömektesetinine senimdimin. Öytkeni olarğa qorları men kapitalın retteu üşin qarajat qajet.  Eger ol banktiñ jaqsı biznes modeli bolsa, qanday önimderden, klientterden tabıs tabuğa bolatının tüsinse, bwl kömek şınımen paydalı boladı. Alayda biznes model'deri joq jäne qızmeti boyınşa keybir kemşilikteri bar oyınşılar bolsa, onda olarğa kömek körsetu paydasız. Aldağı uaqıtta qarajat joğaluı mümkin", - dedi ol keşe Halıq banktiñ bas keñsesinde ötken baspasöz konferenciyasında.

Sonday-aq, Ümit Şayahmetova jurnalisterdiñ "Wlttıq Banktiñ öz ökilettigin arttıruı mümkin ekenin qalay bağalaysız, bwl orındı ma?" degen swrağına: "Bwl ärine, daulı mäsele. Qazirgi uaqıtta äli talqılaular bolıp jatqandıqtan, aldın ala pikir bildirgim kelmeydi. Qazaqstan - bwl sub'ektivizmi tım köp äri äli de jemqorlıq joyılmağan memleket.  Belgili bir şaralardı qoldanu, mısalı payımdauğa negizdep licenziyalardı beru - bwl biz üşin äli de ülken täuekelderge baru", - dep jauap berdi.

Ayta keteyik, bwdan bwrın Wlttıq Bank törağası Daniyar Aqışev  bank sektorınıñ qarjılıq ornıqtılığın arttıru bağdarlamasın iske asıru barısı turalı habarlap, aldağı uaqıtta 4 banktiñ memleketten qarjılay kömek alatınının mälimdegen.

“The Qazaq Times”