Foto: The Local Spain

Ispaniya Kataloniya basşısı Karles Pudjemont pen onıñ seriktesterin qızmetinen bosatıp, jañadan saylau ötkizedi. Osıdan bwrın qoldanılmağan Konstituciya tarmağı is jüzinde qolğa alınıp, Ortalıq bilik özin-özi basqaru qwqığına ie avtonomiyalıq aymaqtıñ biligin öz qolına aladı. Ispaniyanıñ aldağı aptağa josparı men jergilikti halıqtıñ qarsılıq şaraları turalı APF aqparattıq agenttigi jazdı. 

Bügin Kataloniya Parlamentine müşe partiyalar klesi qadamdardı talqılau üşin jinaladı. Karles Pudjemont Ispaniyanıñ Prem'er-ministri Mariana Rahoydıñ şeşimin "Katalon halqına qarsı jasalğan şabuıl" dep qabıldadı. Ol Ispaniyanıñ bilikti tübegeyli auıstıru talpınısı Frensisko Frankonıñ diktatorlığınan asıp tüskenin aytadı. Ispaniyanıñ ilgeridegi basşılarınıñ biri Frensisko Franko 1939-1975 jıldar aralığında katalon tiline mülde tıyım salıp tastağan bolatın. Senbi küni Kataloniya biligin şekteu turalı habarğa narazı jartı millionğa juıq halıq qala köşelerine şıqtı.

Qoğam belsendileri separatistik qozğalıstıñ jeñiske jetui üşin birneşe joldar barın aytadı. Solardıñ biri - azamattardıñ jaña bilikke moyınswnbauı, bwyrıqtarın orındaudan tübegeyli bas tartıp, mekemelerge kiruine tosqauıl boluı. VVS jurnalistiniñ "Karles Pudjemont öz qızmetine oralsa, twtqındaladı ma?" degen saualına Ispaniyanıñ bilik ökilderi "Eşkimdi twtqındamaymız. Biraq Karles Pudjemont pen onıñ seriktesteri jergilikti halıqqa bwyrıq beruin jalğastıratın bolsa, olar katalon halqına öz oyların tañıp jürgen separatistik top dep tanıladı" dep tüsindirdi.

Kataloniyadağı referendum jergilikti halıqtı ekige böldi. Avtonomiya bolıp qaludı jön köretinder men Ispaniyadan irgesin aulaq saludı qalaytındar arasındağı daudıñ negizgi taqırıbı - Kataloniyanıñ ekonomikalıq mümkindikteriniñ joğarı bola twra, öz tabısın özi tolıq paydalana almay, özge öñirlerdiñ qazınasın toltıruğa kömektesetindigi. Täuelsizdik jaqtauşıları mwnı ädiletsizdik dep tapsa, Ispaniya birligin añsaytındar "Kataloniya özge aymaqtardan mıqtı äri tabısı köp bolğanı üşin de onıñ artıq tölegendiginiñ äbestigi joq dep otır".

Kataloniyadağı referendumğa 7,5 mln halıqtıñ 43 payızı qatısıp, qalğandarı qalıs qalğan bolatın.

“The Qazaq Times”