Foto: Kapital.kz

QR Parlamenti Mäjilisiniñ plenarlıq otırısı barısında Ükimet äzirlegen, 2018–2020 jıldarğa arnalğan respublikalıq byudjet parametrleri qaraldı, dep habarlaydı prem'er-ministrdiñ resmi saytı.

Qarjı ministrliginiñ aqparatınşa, 2018–2020 jıldarğa arnalğan respublikalıq byudjet jobası biıl tamız ayında maqwldanğan respublikanıñ 2018–2022 jılğa arnalğan äleumettik-ekonomikalıq damu boljamınıñ negizinde qalıptastırılğan.

Respublikalıq byudjettiñ josparlı kezeñge arnalğan negizgi parametrleri 2018 jılı — 8578,3 mlrd teñge (JİÖ-ge 15,3%), 2019 jılı — 9190,2 mlrd teñge (15,1%), 2020 jılı — 9566,2 mlrd teñge (14,6%) tüsimderinen twradı. 2018 jılı şığındar 9217,9 mlrd teñge (JİÖ-ge 16,5%), 2019 jılı — 9798,2 mlrd teñge (16,1%), 2020 jılı — 10 219,7 mlrd teñge (15,6%) köleminde josparlanğan.

Respublikalıq byudjet şığıstarınıñ jalpı köleminde eñ ülken üles äleumettik salağa tiesili, ol 2018 jılı 44,6%-dan 2020 jılı 47,4%-ğa deyin artadı. Aqşalay mäninde bwl 13 401 mlrd teñgeni qwraydı, sonday-aq, 2018 jılı — 4108,6 mlrd teñge.

Atalğan şığıstar blogınıñ negizgi kölemi äleumettik qamsızdandıru men el azamattarına äleumettik kömek körsetuge tän. Josparlı kezeñde bwl bağıtqa 8707,5 mlrd teñge qarastırılğan. Olardıñ işinde ağımdağı jılı 473 mlrd teñgege nemese 22,1%-ğa ösimmen 2018 jılı 2612,9 mlrd teñge qarastırılğan.

Sonımen qatar atalğan şığıstardıñ negizgi ülesin äleumettik tölemder qwraydı. Üş jıldıq kezeñde olardı qarjılandıruğa 8508,7 mlrd teñge, onıñ işinde 2018 jılı — 2547,9 mlrd teñge bölinedi.

Biılğı jılmen salıstırğanda 2018 jılı zeynetaqı tölemderiniñ artuı birqatar sebepter men bastamalarğa baylanıstı. Bwl — aluşılar sanınıñ wlğayuı, zeynetaqı mölşerlerin jıl sayınğı indeksteu, zeynetaqı jüyesine qatısu ötiline qaray bazalıq zeynetaqı tölemderin tağayındau tärtibiniñ özgerui, sonday-aq, eñ tömengi künköris deñgeyi qwrılımınıñ özgerui.

Bwdan özge, 2018 jıldan bastap eñ tömengi künköris deñgeyiniñ 50% deñgeyinde kömek körsetu kriteriyin qosu arqılı ataulı äleumettik kömektiñ jaña formatı engiziledi.

2018–2020 jıldarğa arnalğan densaulıq saqtau jüyesiniñ şığıstarı 3342,5 mlrd teñgeni qwraydı, onıñ işinde 2018 jılı — 1070,3 mlrd teñge. Olardıñ ösimi negizinen mindetti äleumettik medicinalıq saqtandıruğa sapalı köşu maqsatında tegin medicinalıq kömektiñ kepildendirilgen kölemin arttıruğa baylanıstı.

2018–2020 jıldarğa arnalğan byudjet jobasında bilim jäne ğılım jüyesin damıtuğa 1123,1 mlrd teñge qarastırılğan, onıñ işinde 2018 jılğa – 340,6 mlrd teñge.

Josparlı üş jıldıq kezeñde orta bilim beru salasında jan basına şaqqandağı qarjılandıru jüyesin engizu boyınşa qoldanıstağı «pilottıq jobanı» keñeytu josparda bar.

Osılayşa, 2018 jılğı qırküyekten bastap Astana qalasınıñ barlıq 85 mektebin köşiru közdelgen. 2019 jılı jobağa 239 mektebimen Almatı qalası qosıladı. 2020 jıldan bastap elimizdiñ barlıq tolıq jiıntıqtı mektepterinde jan basına şaqqandağı qarjılandırudı jappay engizu josparlanğan.

Mädeniet pen sporttı damıtuğa arnalğan 2018–2020 jıldardıñ şığıstarı 219,7 mlrd teñgeni qwraydı, onıñ işinde 2018 jılı — 82 mlrd teñge.

Ekonomikanıñ naqtı sektorın damıtuğa qoldau körsetu boyınşa şığıstar blogında kelesi bağıttar qarjılandırıladı:

  • «Nwrlı jol», «Nwrlı jer», industrialdı-innovaciyalıq damu, öñirlerdi 2020 jılğa deyin damıtu bağdarlamaların iske asıruğa jäne üş jıldıq kezeñde kölik jäne logistika infraqwrılımın damıtuğa 2064,9 mlrd teñge, sonıñ işinde 2018 jılı —  854,8 mlrd teñge bölinedi.
  • Ekonomikanıñ jaña drayveri retinde agrarlıq sektordı damıtu üşin auıl şaruaşılığı ministrligine üş jılğı kezeñge 787 mlrd teñge qarastırılğan, sonıñ işinde 2018 jılı —  275,4 mlrd teñge.
  • Jedeldetilgen tehnologiyalıq jañğırtudı jalğastıru maqsatında «Cifrlıq Qazaqstan» memlekettik bağdarlamasınıñ jobası äzirlendi. 2018–2020 jıldarğa arnalğan byudjet jobasında qarjılandıru kölemi 17 mlrd teñgeni qwraydı.

“The Qazaq Times”