Foto: Radio Azattıq

2017 jılı respublikalıq byudjet şığını aldın ala naqtılanğan jospardan bölek tağı 15,1 mlrd teñgege wlğayadı. Sonday-aq, deputattar men äskeri qızmetkerlerdiñ jalaqısın köteru wsınılıp otır. Bwl turalı QR Qarjı ministri Baqıt Swltanov Ükimet otırısında mälimdedi. 

Respublikalıq byudjetti naqtılau turalı zañ jobasın tanıstıru kezinde ol 2017 jılı jalpı memlekettik şığın 11,191 trln teñge bolatının atap ötti. Al byudjetke tüsetin naqtı qarjı kölemi 9,691 trln teñge boladı nemese JİÖ-niñ 8,7%-ın qwraydı.

Ministrdiñ sözinşe, byudjet şığındarınıñ özgerui eki bağıtta jüredi.

"Birinşiden, Prezidenttiñ bastamaları men tapsırmaların jäne halıqaralıq mindetterdi iske asıruğa 89,4 milliard teñge bölinedi. Bwl ükimet qorı men kiristi arttıru esebinen boladı. Äskeriler, işki ister organdarınıñ qızmetkerleri men deputattardıñ jalaqısın arttıruğa 33,1 milliard teñge qarastırılğan", - dedi Swltanov.

Ayta keteyik,  bwdan bwrın BAQ-da belgili bolğanday, 2017 jılı 1 naurızdan bastap  keybir derekter boyınşa, qazaqstandıq deputattardıñ jalaqısı,30%-dan 50%-ğa deyin köterilgen.

“The Qazaq Times”