Foto: VVS

Amerikalıq azamat, 84 jastağı dini qızmetker Jerry Hammond AQŞ-tıñ öz azamattarına Soltüstik Koreyağa baruğa salğan tıyımı onıñ kezekti saparına kedergi bola almaytındığın mälimdedi. 1995 jıldan beri Soltüstik Koreyağa gumanitarlıq missiyamen 54 ret barğan azamat tuberkulez dertine şaldıqqan jandardı emdeumen aynalısadı. Osı jolı sankciyağa qaramastan, qaraşa ayında KHDR memleketine tağı da bet tüzeuge bel baylağan ol, Amerika pasportın tartıp alsa da, öz oyınan bas tartpaytının aytadı. Bwl turalı VVS aqparattıq agenttigi jazdı. 

Foto: VVS

AQŞ-tıñ şilde ayında jariyalağan amerikalıqtardıñ Soltüstik Koreyağa baruına şekteu qoyatın sankciyaları ağımdağı jıldıñ 1 qırküyeginen bastap küşine endi. Qazir Oñtüstik Koreyada twrıp jatqan Jerry Hammond Amerika Ükimetine öziniñ aldağı saparı turalı eskertu hat joldağan. Biraq "iya" ne "joq" degen naqtı jauap ala almağan dini qızmetker AQŞ Ükimetiniñ ünsizdigin keliskenderine balağanın aytadı. VVS qızmetkerleriniñ resmi swrauına AQŞ-tıñ memlekettik departamenti: "Amerikalıq azamat öz tölqwjatın dwrıs paydalanbağanı üşin odan ayırıluı mümkin. Sonday-aq qılmıstıq jauapkerşilikke tartıluı da ğajap emes", - bılay dep jauap bergen.

Jerry Hammond är jılı Soltüstik Koreyağa mamır jäne qaraşa aylarınıñ alğaşqı üş aptasında baradı. Onıñ negizgi maqsatı - nauqas adamnıñ ömirin saqtap qalu. Soltüstik Koreyanıñ tört öñirine därilik preparattar jetkizetin qariya Eugene Bell Foundation qorınan qarjılay qoldau alğan. Tuberkulezben auıratın adamğa 18 ayda 5 mıñ dollarğa juıq aqşa jwmsalatının aytqan dini qızmetker mwnday şığındardı Düniejüzilik densaulıq saqtau wyımı kötere almaydı deydi. Osınday jeke qordıñ qoldauına ie bolıp otırğan ol, vizalıq kedergiler bolsa, qolda bar tegin mümkindikterdi mwqtaj jandarğa jetkize almay qaludan qorqadı.

“The Qazaq Times”