Qırğız prezidenttigine ümitker Sooronbay Jeenbekov. Foto: "C-1"

Qırğızstannıñ Oş qalasında Sooronbay Jeenbekov jaqtastarı saylauşılar dauısın satıp aluda.

Soñğı uaqıtta qırğız elinde prezident saylauı qarsañında saylauşılardıñ dauısın satıp alu faktileri jii tirkele bastadı. Jaqında osınday oqiğalardıñ biri Oş qalasında tirkeldi. Onda  Sooronbay Jeenbekovtıñ Oş qalası boyınşa şatabınıñ ökilderi saylauşılardıñ üyin aralap Jeenbekovqa dauıs beruge ügit-nasihat jwmıstarın jürgizip qana qoymay, olarğa öz kandidattarına dauıs bergeni üşin 1000 som (14 dollar) köleminde aqşa wsınğan.

Bwdan bölek bwğan deyin qazan ayınıñ 10-ı küni memlekettik BAQ betterinde Sooronbay Jeenbekovtıñ bastı qarsılası Ömirbek Babanovtıñ jaqtastarı da däl osı Oş qalasında saylauşılar dauısın satıp alğandığı jayında aqparat tarağan bolatın. Ol kezde qwqıq qorğau organdarı Babanov ştabında jwmıs isteytin eki adamdı wstağandarı beynelengen videorolikte jariyalağan. Onda Oş qalasınadağı Babanov ştabınıñ eki qızmetkerinen dauıs satıp aluğa arnalğan 185 mıñ som aqşa tärkilengendigi körsetilgen. Biraq keyinen videodağı Babanov jaqtastarınıñ biri Tahir Qasımov jurnalister aldında söylegen sözinde: «Qazan ayınıñ 10-ı küni tañğı sağat 10:30 şamasında biz ügit-nasihat jwmıstarın jürgizip jürgen jwmısşılarğa eñbekaqıların beruge bara jatqanbız. Bizdi «On-Adırğa» barar tas jolda miliciya qızmetkerleri toqtattı. Osıdan keyin bizdi jergilikti işki ister basqarmasınıñ bölimşesine alıp bardı. Ol jerde men 185 mıñ som aqşa jwmısşılar jalaqısı ekendigin ayttım. Biraq sonıñ özinde olar meni tüngi sağat 12-ge deyin wstadı» - degen. Al onıñ janındağı ekinşi adam Sabırjan Älimov miliciya qızmetkerlerine 185 mıñ som aqşanıñ saylauşılar dauısın satıp aluğa arnalğandığan aytqan. Biraq keyinen ol öziniñ bwl sözdi miliciya qızmetkerleriniñ qısım jasauınan keyin aytqandağın mälimdegen.

“The Qazaq Times”