Foto: m.forbes.kz

2017 jılğı 3-toqsannıñ qorıtındısı boyınşa Wlttıq Bank ekinşi deñgeyli bankter men bank operaciyalarınıñ jekelegen türlerin jüzege asıratın wyımdar asa jii jol beretin qwqıq bwzuşılıqtarğa monitoring pen taldau jürgizdi. Bwl turalı banktiñ resmi saytında jazıldı. 

Esepti kezeñde anıqtalğan bwzuşılıqtardıñ qorıtındısı boyınşa 3 bankke ayıppwldar salu jäne öndirip alu türinde sankciyalar qoldanılsa, 11 bankke qatıstı 14 şekteuli ıqpal etu şarası, onıñ işinde 12 jazbaşa
wyığarım jäne 2 jazbaşa eskertu qoldanıldı.

Jürgizilgen taldaudıñ nätijeleri boyınşa esepti kezeñde qwqıq bwzuşılıqtar:
- jeke twlğanıñ bank şotındağı aqşa somasınıñ jäne bank şotına tüsken
somanıñ 50%-ı şegindegi tölem talaptarın orındau kezinde banktiñ şekteulerdi saqtamauında;
- banktik qarız şartına qızmet körsetu kezeñinde qarız aluşınıñ swratuı
boyınşa aqparat wsınu merzimderinde;
- berilgen kredit jönindegi qwjattamanı jürgizudiñ Kreditteu jönindegi
qwjattamanı jürgizu erejesinde közdelgen tärtipte;
- qarız aluşınıñ borıştıq jüktemesi koefficientiniñ eñ joğarı deñgeyinen asıp ketken kezde banktiñ twtınuşılıq qarızdı zañsız beruinde körinis tapqan.

Sonday-aq:
- banktiñ klienttiñ banktik şotına negizsiz tıyım saluda;
- kredittik byuroğa däyeksiz mälimetter berude;
- zañnamanıñ täuekelderdi basqaru jäne işki baqılau jüyeleriniñ boluına
qoyılatın talaptarın bank bölimşeleriniñ işki qağidalar men räsimder talaptarınıñ orındaluın saqtaudı tiisti türde baqılaudıñ bolmauı böliginde banktiñ saqtamauında;
- qwjattamalıq tekseru şeñberinde bankterdiñ Wlttıq Bank swratqan qwjattar men tüsindirmelerdi bermeuinde, sonday-aq uaqtılı bermeuinde
qwqıq wzuşılıqtarğa jol berilgen.

“The Qazaq Times”