Foto: kazpravda.kz

Oñtüstik Qazaqstan oblısında 2016-2017 jıldar işinde jürgizilgen tügendeu jwmıstarınıñ nätijesinde 63,8 mıñ gektar jer audan, qala äkimdigi tarapınan memleket menşigine qaytarıldı. Bwl turalı Oñtüstik Qazaqstan oblıstıq jer qatınastarı basqarmasınıñ basşısı Sozaqbay Äbdiqwlov mälim etti.

Onıñ aytuınşa, tügendeu jwmıstarı kezinde 5912 jer paydalanuşınıñ 241 mıñ ga jeri paydalanılmay jatqanı anıqtalğan.

«Esepti kezeñde 63,8 mıñ gektar jer audan, qala äkimdigi tarapınan memleket menşigine qaytarılsa, 61,1 mıñ ga jer qayta igeruge kiristi. Al 5,24 mıñ ga jer iesiz mülik retinde esepke qoyılsa, 27,1 mıñ ga jer audan äkimdiginiñ qarauındağı jerler bolıp şıqqan. Sonday-aq, 83,8 mıñ ga bolatın jerlerge şara köru üşin oblıstıq jer inspekciyası basqarmasınıñ qarauına wsınıldı», - dedi Äbdiqwlov bügin OQO öñirlik kommunikaciyalar qızmetinde ötken baspasöz mäslihatında.

Brifingte mälim bolğanday oblıstağı investiciyalıq ahualdı jaqsartu maqsatında auıl şaruaşılığı jerleri konkurs arqılı aynalımğa engizilude. Mäselen, soñğı 3 jılda auıl şaruaşılıq maqsatındağı 53 konkurs wyımdastırılğan. Nätijesinde 309 mıñ ga jer uçaskeleri jalğa berildi, al biılğı jılı 73,8 mıñ ga jer aynalımğa qosılıp otır.

Ayta keteyik, öñirde auıl şaruaşılığı bağıtındağı 6815,7 mıñ ga jerler bolsa, onıñ işinde 911,4 mıñ ga egistik jer, 5635,8 mıñ ga jayılımdıq, 84,5 mıñ ga şabındıq, al köp jıldıq ekpeler (baular) 29 mıñ gektardı qwrap otır.

“The Qazaq Times”