Foto: pohnews.org

Süriyada Resey äskeri äue küşterine tiesili Su-24 bombılauşı wşağı apatqa wşıradı – dep habarlaydı Oxu.az aqparat közi.

Bügin qazan ayınıñ 10-ı küni Süriyanıñ Hmeymim äuejayında Resey äskeri äue küşteriniñ Su-24 bombılauşı wşağı apatqa wşırağan. Saldarınan wşaq bortında bolğan ekipaj müşeleriniñ barlığı oqiğa orınında köz jwmğan. RF Qorğanıs ministrliginiñ mälimetinşe, Su-24 wşağı 10-şı qazan küni Hmeymim äuejayınıñ wşu jolağında äuege köterilmey jatıp apatqa wşırağan. Oqiğa orının tekseru barısında wşaqtıñ qozğaltqışında tehnikalıq aqaulardıñ bar bolğandığı anıqtalğan.

Esteriñizge salayıq, bwğan deyin Süriya aumağında äskeri qızmetin atqarıp jürgen eki reseylik sarbazdı «Islam memleketi» lañkestik wyımı twtqınğa alğan bolatın. Al keyinen Resey memlkettik dumasınıñ deputatı Viktor Vodolackiy olardıñ terrorister qolınan qaza tapqandığı jayında mälimdegen.

“The Qazaq Times”