ءسۇريادا رەسەي بومبىلاۋشى ۇشاعى اپاتقا ۇشىرادى

ءسۇريادا رەسەي اسكەري اۋە كۇشتەرىنە تيەسىلى سۋ-24 بومبىلاۋشى ۇشاعى اپاتقا ۇشىرادى – دەپ حابارلايدى وxu.az اقپارات كوزى.

بۇگىن قازان ايىنىڭ 10-ى كۇنى ءسۇريانىڭ حمەيميم اۋەجايىندا رەسەي اسكەري اۋە كۇشتەرىنىڭ سۋ-24 بومبىلاۋشى ۇشاعى اپاتقا ۇشىراعان. سالدارىنان ۇشاق بورتىندا بولعان ەكيپاج مۇشەلەرىنىڭ بارلىعى وقيعا ورىنىندا كوز جۇمعان. رف قورعانىس مينيسترلىگىنىڭ مالىمەتىنشە، سۋ-24 ۇشاعى 10-شى قازان كۇنى حمەيميم اۋەجايىنىڭ ۇشۋ جولاعىندا اۋەگە كوتەرىلمەي جاتىپ اپاتقا ۇشىراعان. وقيعا ورىنىن تەكسەرۋ بارىسىندا ۇشاقتىڭ قوزعالتقىشىندا تەحنيكالىق اقاۋلاردىڭ بار بولعاندىعى انىقتالعان.

ەستەرىڭىزگە سالايىق، بۇعان دەيىن ءسۇريا اۋماعىندا اسكەري قىزمەتىن اتقارىپ جۇرگەن ەكى رەسەيلىك ساربازدى «يسلام مەملەكەتى» لاڭكەستىك ۇيىمى تۇتقىنعا العان بولاتىن. ال كەيىنەن رەسەي مەملكەتتىك دۋماسىنىڭ دەپۋتاتى ۆيكتور ۆودولاتسكي ولاردىڭ تەرروريستەر قولىنان قازا تاپقاندىعى جايىندا مالىمدەگەن.

“The Qazaq Times”