Foto: Turkystan.kz

Qazaqstan Respublikasınıñ Wlttıq Banki bazalıq mölşerlemeni +/-1%-dıq dälizben 10,25% deñgeyinde saqtau turalı şeşim qabıldadı. Bwl turalı banktiñ baspasöz qızmeti habarladı.

Banktiñ mälimetinşe, jıldıq inflyaciyanıñ naqtı jäne
boljamdı (bir jarım jıl kölemindegi) deñgeyleri 2017 jäne 2018 jıldarğa arnalğan nısanalı däliz şeñberinde. Halıqtıñ inflyaciya boljamdarı twraqtı deñgeyde qalıptastı.

Jıldıq körsetkiş boyınşa inflyaciya qırküyekte 7,1% deñgeyinde, aylıq inflyaciya 0,3% deñgeyinde boldı. Inflyaciya ayasınıñ saqtaluına osı jılı azıq-tülikke jatpaytın tauarlarğa degen swranıstıñ birtindep artuı arqılı olardıñ qımbattauı, sonday-aq, halıqqa körsetiletin qızmet tarifteriniñ ösui ıqpal etti.

"Osı jıldıñ soñına deyin inflyaciya ayası qalıptı bolıp qaladı. Belgili bir inflyaciyalıq täuekelderdiñ saqtaluı astıqqa qatıstı belgisizdikke, azıq-tülik tauarlarınıñ öñirlik twraqtandıru qorlarınıñ jetkiliksiz jüktemesine, janar-jağarmay materialdarı jäne azıq-tüliktiñ jekelegen türleri narığındağı ahualğa baylanıstı", - delingen baspasöz habarlamasında.

Bazalıq mölşerleme boyınşa kezekti şeşim 2017 jılğı 27 qaraşada Astana uaqıtı boyınşa 17:00 jariyalanadı.

“The Qazaq Times”