ۇلتتىق بانك بازالىق مولشەرلەمەنى وزگەرىسسىز قالدىردى

قازاقستان رەسپۋبليكاسىنىڭ ۇلتتىق بانكى بازالىق مولشەرلەمەنى +/-1%-دىق دالىزبەن 10,25% دەڭگەيىندە ساقتاۋ تۋرالى شەشىم قابىلدادى. بۇل تۋرالى بانكتىڭ ءباسپاسوز قىزمەتى حابارلادى.

بانكتىڭ مالىمەتىنشە، جىلدىق ينفلياتسيانىڭ ناقتى جانە
بولجامدى ء(بىر جارىم جىل كولەمىندەگى) دەڭگەيلەرى 2017 جانە 2018 جىلدارعا ارنالعان نىسانالى ءدالىز شەڭبەرىندە. حالىقتىڭ ينفلياتسيا بولجامدارى تۇراقتى دەڭگەيدە قالىپتاستى.

جىلدىق كورسەتكىش بويىنشا ينفلياتسيا قىركۇيەكتە 7,1% دەڭگەيىندە، ايلىق ينفلياتسيا 0,3% دەڭگەيىندە بولدى. ينفلياتسيا اياسىنىڭ ساقتالۋىنا وسى جىلى ازىق-تۇلىككە جاتپايتىن تاۋارلارعا دەگەن سۇرانىستىڭ بىرتىندەپ ارتۋى ارقىلى ولاردىڭ قىمباتتاۋى، سونداي-اق، حالىققا كورسەتىلەتىن قىزمەت تاريفتەرىنىڭ ءوسۋى ىقپال ەتتى.

"وسى جىلدىڭ سوڭىنا دەيىن ينفلياتسيا اياسى قالىپتى بولىپ قالادى. بەلگىلى ءبىر ينفلياتسيالىق تاۋەكەلدەردىڭ ساقتالۋى استىققا قاتىستى بەلگىسىزدىككە، ازىق-تۇلىك تاۋارلارىنىڭ وڭىرلىك تۇراقتاندىرۋ قورلارىنىڭ جەتكىلىكسىز جۇكتەمەسىنە، جانار-جاعارماي ماتەريالدارى جانە ازىق-تۇلىكتىڭ جەكەلەگەن تۇرلەرى نارىعىنداعى احۋالعا بايلانىستى", - دەلىنگەن ءباسپاسوز حابارلاماسىندا.

بازالىق مولشەرلەمە بويىنشا كەزەكتى شەشىم 2017 جىلعى 27 قاراشادا استانا ۋاقىتى بويىنشا 17:00 جاريالانادى.

“The Qazaq Times”