Foto: itcrumbs.ru

Qazaqstan men düniejüzinde qazannıñ 2-si men 7-si künderi aralığında qanday oqiğalar boldı? Biz bügin osı  aptadağı el nazarın özine audartqan eleuli oqiğalarğa qısqaşa toqtalamız.

Osı apta Türkiya prezidenti Rejep Tayıp Erdoğannıñ: «Türkiyağa Euroodaqqa müşe boludıñ qajeti joq» - degen mälimdemesimen bastaldı. Bwl ärine köpşilik jwrtqa jañalıq bolmauı mümkin. Öytkenisarapşılar Erdoğannıñ bwl sözine «1963 jıldan beri Euroodaqqa kire almay kele jatqan adamnıñ jan ayqayı» dep bağa berdi. Biraq Tayau Şığıs pen jalpı älemdegi geosayasi jağdaylardıñ uşığıp twrğanın eskerseñiz bwl jay söz emes ekenin tüsinesiz. Erdoğanıñ Euroodaqqa qarata aytqan sözimen qatar osı apta Soltüstik Koreya basşısı Kim Joñ Unnıñ ağası Kim Joñ Namnıñ ölimine baylanıstı sot otırısımen bastaldı. Malayziya sotı Kim Joñ Namnıñ ölimine qatısı bar delingen Indoneziya azamatşası Siti Ayşa men V'etnamdıq Zoan Thi Hıong isine baylanıstı alğaşqı sot otırısın ötkizdi.

Al älemniñ ekinşi bir şetinde Malayziyadağı sottan keyin eki künnen soñ qazannıñ 4-i küni Europarlament deputattarı Kataloniyada ötken referendumğa baylanıstı otırıs ötkizdi. Onda olar qazan ayınıñ 1-i küni Kataloniyada täuelsizdik aluğa baylanıstı eşkimniñ kelisiminsiz ötken referendumdı qatañ sınğa alıp, Ispaniya biliginiñ atalmış jağdaylarğa baylanıstı halıqqa küş qoldanğanın eşqanday qisınğa kelmeytindigin aytqan.

Europa jwrtşılığı osı ay bastalğalı Kataloniya «jırımen» jürgende, qazan aynıñ 5-si küni Resey prezidenti Vladimir Putin arağa bes jıl salıp Türkimenstanğa resmi is-saparmen bardı. Onda ol bes jıl işindegi ötken-ketkendi tügendep, Türkimenstan basşısı Qwrbanğwlı Berdimwhamedovtı «Aleksandr Nevskiy» ordenimen marapattadı. Köptegen sarapşılar Vladimir Putinniñ bwl jolğı is-saparına «Türkimenstannan ayırılıp qalmaudıñ joldarın qarastıru» - degen bağa berdi.

Bwdan bölek osı apta Täjikstan prezidenti Emomali Rahmonnıñ tuğan künin «Wlt küni» dep atau, «Islam memleketi» sodırları twtqındağı Resey sarbazdarın öltirdi, Oş qalasında Babanov jaqtastarı soqqığı jığıldı degen sındı qazaq qoğamında qızu talqılanğan oqiğalarğa tolı boldı.

“The Qazaq Times”