Europarlament.

Europarlament Kataloniyada ötken referendumdı da, oğan qarsı küş qoldanğan policiya is-äreketin de qatañ sınğa aldı – dep habarlaydı Nemis tolqını aqparat agenttigi.  

Qazan ayınıñ 4-i küni Europarlament deputattarı Ispaniyadağı jağdaylarğa baylanıstı debat ötkizdi. Jiında söz söylegen barlıq deputattar Kataloniya referendumın bir auızdan zañsız dep tanığan. Al oğan qarsı küş qoldanğan resmi Madrid is-äreketin qatañ sınğa alğan. Debat barısında Eurokomissiya törağasınıñ orınbasarı Frans Timmermans Kataloniya men Ispaniyanı kelisimge keluge şaqırğan. Odan keyin söz alğan Europa halıqtıq partiyasınıñ ökili Manfrat Vebar: «Eger Kataloniya Ispaniyadan bölinip şığatın bolsa, onda ol Euroodaqtan da, onıñ işki sauda aynalımınan da bölinedi» - degen. Al liberaldar frakciyasınıñ törağası Gi Verhofstadt qos taraptı jağdaydı uşıqtırmauğa şaqırıp, olay etpegen jağdayda Ispaniya qoğamı ekige bölinetindigin eskertken.

Esteriñizge salayıq, qazan ayınıñ 1-i küni Kataloniya Ispaniyadan bölinip şığuğa baylanıstı referendum ötkizgen bolatın. Oğan el halqınıñ 42 payızı qatısıp, onıñ 90 payızı derbes el boludı qoldap dauıs bergen. Biraq Ispaniya biligi men koroli Kataloniyanıñ bwl isin eldiñ twtastığına nwqsan keltiru dep mälimdep, aymaq basşılığın zañ boyınşa jazalaytındıqtarın aytqan.

“The Qazaq Times”