Donal'd Tramptıñ Puerto-Rikoğa saparı sätsiz bastaldı

Donal'd Tramptıñ eki apta bwrın dauıldan zardap şekken Puerto-Rikoğa saparı sätsiz bastaldı. Aral twrğındarınıñ küş-jigerin erekşe bağalap, qayğılarına köñil aytıp, jandarına demeu bolar söz aytadı dep kütkenmen AQŞ Prezidenti el senimin aqtamadı. VVS aqparattıq agenttigi jariyalağan Donal'd Tramp saparınıñ barısı turalı maqalada elden erek pikirimen bärin qayran qaldırıp jüretin Amerikanıñ memleket basşısı bwl jolı da köpşilikke talqığa salar taqırıp tauıp berdi. 

Donal'd Tramptıñ Puerto-Rikonıñ bilik ökilderine aytqan sözi:

- Kez kelgen ölim jaman, biraq sizder Katrina siyaqtı apattardıñ saldarına köz jügirtip qarasañızdar, mwnda bolğan jağdaydıñ onımen salıstıruğa kelmeytinin añğarasızdar. Tabiğattıñ tosın sıyınan mıñdağan adamdar qaza tapqan öñirler bar, al sizderde 16 ne 17 ölim ğana... 16 qwrbandı mıñ adam şığınına qarsı qoyıp qarañız. Sizder men bizderdiñ adamdarımız birlesip eñbek etip jatqanın, mwndağı jağday sonşalıqtı auır emestigin maqtan twtuımız kerek.

VVS jurnalisi Chris Cilliza "qwrbandar sanınıñ az boluı barlığı jaqsı ekendigin bildirmeytinin, dauıldan keyin as-su men alğaşqı medicinalıq kömekten qağılıp, jılu men jarıqsız qalğan eldiñ aldında aytıluı kerek sözder mülde basqa boluı kerek edi" degen bağa beredi. Jurnalistiñ pikirinşe, 16 adamnıñ jaqındarın joğaltqan kezde sezingen qayğısı 1000 adamnıñ joqtağandardıñ azasınan jeñil emes.

Donal'd Tramp Amerika Puerto-Riko üşin köp närse jasağanı, qıruar qarjı bölgeni turalı derekterdi de tilge tiek etip ötti. Biraq osı twsta VVS tilşisi memleket basşısınıñ bwl äreketi balasına mektepke qajetti qwraldar alıp berip, keyinnen onısın mindetsingen ata-anağa wqsaytının aytadı.

“The Qazaq Times”