Qırğızstan prezidenttigine ümitker Sooronbay Jeenbekov Foto:Knews.kg

Bügin Qırğızstanda tanımal jurnalist, kezinde bwrınğı el prezidenti Asqar Aqaevtıñ baspasöz hatşısı qızmetin atqarğan Qabay Qarabekovtıñ sot otırısı ötedi. Qarabaevtıñ isin Bişkek qalasınıñ Sverdlovsk audandıq sotı qaraytın boladı. Odan Qırğızstan prezidenttigine ümitker, eks-prem'er-ministr Sooronbay Jeenbekov özine qatıstı jalğan maqala jazğanı üşin moral'dıq şığın retinde 72 mıñ dollar köleminde ötemaqı talap etude.

Qırküyektiñ 11-i küni Qabay Qarabekov qırğızstandıq internet-resurs «24.kg» saytına Sooronbay Jeenbekovtıñ tuıstarına qatıstı «Vizit v Soçi. Kremlyu vnov' ob'yasnyat, çem horoş preemnik?» attı maqalasın jariyalağan.  Onda Qarabaev 2017 jılı mausım ayında Soçi qalasında ötken Almazbek Atambaev pen Vladimir Putinniñ kezdesuinde, Mäskeu resmi Bişkekke «»Jeenbekov bauırlarınıñ radikaldı bağıttağı arab wyımdarımen baylanısı bar ekenin astarlap jetkizgendigi» jayında jazğan. Qabay Qarabaevtıñ oyınşa, däl sol kezdesude Resey basşısı Vladimir Putin Almazbek Atambaevqa qırğız prezidenttigine ümitker Sooronbay Jeenbekov bauırlarınıñ arabiyalıq «Äleumettik reformalar » wyımımen baylanısı barına alañdauşılıq bildiretinin aytqan. Atalmış wyımnıñ Resey aumağında terrorlıq wyım dep tanılğanın eskeretin bolsaq, onda Qarabaevtıñ nege mwnday boljamdar jasağanın tüsinuge boladı. Onıñ üstine bwğan deyin qırğız BAQ betterinde Jeenbekov bauırlarınıñ biri Saud Arabiyasında elşi ekeni jayında, al ekinşisiniñ birneşe ret qajılıqqa barıp kelgendigi jayında aqparattar jariyalanğan.

Al Qırğızstannıñ eks sırtqı ister ministri Alikbek Jekşenqwlov reseylik telearnalardıñ birine bergen swhbatında: «Soñğı uaqıtta ağayındı Jeenbekovtar Qırğızstanda arab elderiniñ közqarasın jii nasihattap jür» - dep mälimdegen. Bir qızığı Sooronbay Jeenbekov prem'er-ministr bolıp twrğan kezinde öziniñ bauırlarına qatıstı jariyalanğan materialdardıñ avtorların sotqa bermegen. Şeteldik jäne qırğızstandıq sarapşılardıñ oyınşa, Jeenbekovtıñ Qarabaevqa qısım körsetuiniñ alda kele jatqan prezident saylauımen tikeley qatısı bar. Sarapşılardıñ aytuınşa, qazirgi tañda Almazbak Atambaev özinen keyin Sooronbay Jeenbekovtı qaldırıp ketu üşin biliktegi bükil resurstarın paydalanuda. Olar bwğan dälel retinde jaqında biliktiñ kriminaldı toptardı paydalanu arqılı Ömirbek Babanovtıñ jaqtastarınıñ biri, oppoziciyalıq sayasatker Qanat Isaevtıñ qamauğa alınuın mısalğa keltiredi.

“The Qazaq Times”