Europarlament Kataloniya referendumına baylanıstı debat ötkizbek – dep habarlaydı EUobserver aqparat közi.

Qazan ayınıñ 4-i küni Europarlament Kataloniyada ötken referendumğa baylanıstı debat ötkizetin boladı. Bwl bastamanı Europarlament deputattarınıñ basım köpşiligi qoldağan. Debatta deputattar referendum kezinde Ispaniya biliginiñ alañğa şıqqan qarapayım halıqqa körsetken zorlıq-zombılıqtarın talqılaydı dep kütilude. Europarlament basşısı Antonio Tayanidiñ sözinşe, qazan ayınıñ 4-i küni parlament deputattarı Ispaniya kostituciyasın, joğarğı zañ men adam qwqıqtarınıñ bastı qağidaların qaraytın boladı.

Esteriñizge salayıq, qazan ayınıñ 1-i küni Kataloniyada täuelsizdik aluğa baylanıstı referendum ötken bolatın. Referendumğa el halqınıñ tek 40 payızı ğana qatısqan. Biraq referendumğa qatısqan halıqtıñ 90 payızı Kataloniyanıñ Ispaniyadan bölinip şığuın qaldaytındıqtarın aytıp dauıs bergen.

“The Qazaq Times”