ەۋروپارلامەنت كاتالونيا رەفەرەندۋمىنا بايلانىستى دەبات وتكىزبەك – دەپ حابارلايدى EUobserver اقپارات كوزى.

قازان ايىنىڭ 4-ءى كۇنى ەۋروپارلامەنت كاتالونيادا وتكەن رەفەرەندۋمعا بايلانىستى دەبات وتكىزەتىن بولادى. بۇل باستامانى ەۋروپارلامەنت دەپۋتاتتارىنىڭ باسىم كوپشىلىگى قولداعان. دەباتتا دەپۋتاتتار رەفەرەندۋم كەزىندە يسپانيا بيلىگىنىڭ الاڭعا شىققان قاراپايىم حالىققا كورسەتكەن زورلىق-زومبىلىقتارىن تالقىلايدى دەپ كۇتىلۋدە. ەۋروپارلامەنت باسشىسى انتونيو ءتايانيدىڭ سوزىنشە، قازان ايىنىڭ 4-ءى كۇنى پارلامەنت دەپۋتاتتارى يسپانيا كوستيتۋتسياسىن، جوعارعى زاڭ مەن ادام قۇقىقتارىنىڭ باستى قاعيدالارىن قارايتىن بولادى.

ەستەرىڭىزگە سالايىق، قازان ايىنىڭ 1-ءى كۇنى كاتالونيادا تاۋەلسىزدىك الۋعا بايلانىستى رەفەرەندۋم وتكەن بولاتىن. رەفەرەندۋمعا ەل حالقىنىڭ تەك 40 پايىزى عانا قاتىسقان. بىراق رەفەرەندۋمعا قاتىسقان حالىقتىڭ 90 پايىزى كاتالونيانىڭ يسپانيادان ءبولىنىپ شىعۋىن قالدايتىندىقتارىن ايتىپ داۋىس بەرگەن.

“The Qazaq Times”