80 jıldan astam tarihı bar önerdiñ qara şañırağı Almatı Memlekettik quırşaq teatrı 2017 jıldıñ 5 qazan küni sağat 16.30-da saltanattı türde kezekti 83-şi mausımın aşadı. Teatrdıñ aşıluı artisteriniñ qatısuımen teatr fasadındağı aqın, dramaturg Iran-Ğayıptıñ «Böşke» dramasınıñ negizinde rejisser R.Janamanov sahnalağan körinispen bastaladı. Bwl turalı teatrdıñ baspasöz qızmeti habarladı.

Sonday-aq, sağat 17.00-de Evgeniy Ionovtıñ «Ana jüregi» spektakliniñ prem'erası körermen nazarına wsınıladı. Qoyuşı rejisseri– Anton Zaycev. Qoyuşı suretşisi – Sergey Mel'cer. Sahnalıq biin qoyğan– Güljan Däuletqwlova. Qoyılım arqılı rejisser A.Zaycev quırşaq teatrı sahnasına jaña lep äkeldi. P'esanıñ mazmwnı auır bolğanmen, beretin tärbiesi mol. Kez kelgen jastağı körermenniñ köñilin oyatıp, jüregine iman wyalatpaq. Anadan tuğan jalğız wl joqşılıqtı mise twtpay, ar körip, anasına qarsı şığadı. Tas qalanıñ tas jürek jastarına qosılğan jetesiz wl, wlım dep eñiregen ananıñ közjası qoyılımnıñ bastı ideyasın aşıp körsetpek. Balasınıñ tuğan künine qolında qalğan jalğız janıp twrğan balauız şıraqtı sıyğa tartpaq bolğan ana jüregi sol şıraqpen birge sönedi. Rejisser Anton Zaycev osı bir şınayı ömirdi quırşaq sahnasında quırşaq tilinde söyletpek.

Ana beynesinde– aktrisa Tolqın Tleulieva, quırşaq bala – akter Ruslan Abu jäne köpşilik sahnada teatr artisteri öner körsetedi.

83-şi mausım josparı:

Qazan ayınıñ 20-24 aralığında Türkiya elinde ötetin İİİ Halıqaralıq teatr festivaline «Arıstannıñ üreyin qalay emdeu kerek?» (avt.: M.D'lgeçeva, rej.: E.Toteva-Andotova) jäne «Quırşaq duman» (avt. jäne rej.: S.Şükirov, Q.Eşmwratova) qoyılımdarımen qatısudı  josparlap otır.

Jaña mausımda teatr wjımı R.Otarbaevtıñ «Sağınış şöbi», E. Juasbektiñ «Toba» qoyılımdarın, B.Joraevtıñ «Batır men Alabay»,«Qoja men sport»,I.Saparbaydıñ «Sığan serenadası»,A.Gofmannıñ«Şelkunçik» attı tuındıların kişkentay körermenderge sahnalap, tartu etpek.

Atalğan öner wjımı sahnalanğan jaña qoyılımdardı arnayı teatr sınşılarınıñ saraptamasınan ötkizudi dağdığa aynaldırğan.

“The Qazaq Times”