Jaqında ğana 83-şi mausımın aşqan Quırşaq teatr wjımı kezekti III Halıqaralıq Ankara festivaline şaqırtu aldı. Üşinşi ret ötkeli otırğan festival'diñ wyımdastıruşıları KUKSADER jäne THEATRE TEMPO wyımdarı, dep habarlaydı teatrdıñ baspasöz qızmeti.

Öner merekesi osı jıldıñ qazan ayınıñ 19-27 aralığında ötedi. Festival'diñ bastı maqsatı – quırşaq teatrı öneriniñ kökjiegin keñeytip, halıqaralıq standartqa say ete otırıp, käsibi teatr mamandarı men türik suretşileri, rejisserleri, prodyuserleri men qarapayım öner süyer qauımnıñ talabınan şığu, jaña tınısın tanıtu.

III Halıqaralıq Ankara teatr festivaline biıl 4 türkiyalıq jäne 6 şeteldik öner wjımdarı qatısıp, baqtarın sınaydı. Festival' barısında qoyılımdardan tıs arnayı därister, seminarlar oqılıp, quırşaq teatr önerine baylanıstı körmeler wyımdastırıladı.

Memlekettik QUIRŞAQ teatrı festival' qatısuşıları men qonaqtarı nazarına «Quırşaq duman» (avt. jäne rej.: Q.Eşmwratova, S.Şükirov) jäne «Arıstannıñ üreyin qalay emdeu kerek?» (avt.: M.D'lgeçeva, rej.: E.Toteva-Andotova) qoyılımdarın wsınadı.  

Ayta keterlik jayt, teatr wjımı 2017 jıldıñ 28 şilde men 7 tamız aralığında Ankara qalasında (Türkiya)ötken Halıqaralıq teatr festivalinde «Quırşaq duman» (rej.: Q.Eşmwratova) qoyılımımen qatısıp, Qazaqstan Respublikasınıñ Türkiya Respublikasındağı elşisiniñ atınan «Qazaqstan men Türkiya arasındağı diplomatiyalıq qarım-qatınastardıñ 25 jıldığı ayasında Türkiya Respublikasında qazaq mädenieti men önerin tanıtuğa qosqan ülesi üşin» attı arnayı alğıs hatpen marapattalğan.

83 jıldıq tarihı bar Almatı qalasınıñ Memlekettik quırşaq teatrı – respublikamızdağı  eñ iri öner wjımdarınıñ biri. Öner oşağı büginde talanttı artister men quırşaq şeberleriniñ, rejisserlerdiñ, suretşilerdiñ birneşe wrpağın tärbielep şığardı. Elimizde jäne şet elde ötken Halıqaralıq, respublikalıq teatr festivalderinde biik belesterdi bağındırğan wjımnıñ alğa qoyğan bağıtı men bağdarı da ayqın. Ol – qazaqtıñ quırşaq teatrı önerin örkendetu,  keşegi men bügingi ömir arasın önerdiñ biik şıñı arqılı şınayı körsete bilu.

“The Qazaq Times”