Foto: Getty Images

Kataloniya Prezidenti Karls Pudjemont täuelsizdik alu maqsatında ötkizilgen referendum jeñiske jetkenin habarladı. Resmi ökildiñ sözinşe, endi Täuelsizdik turalı Deklaraciya qabıldanbaq. Bwl turalı VVS aqparattıq agenttigi jazdı. 

Kataloniya azamattarınıñ 43,2 payızı qatısqan referendumda dauıs bergenderdiñ 90 payızı Täuelsizdikti qoldaytındarın bildirgen. Ispaniya biligi el twtastığın saqtap qalu üşin qolınan kelgeninen ayanbaytının aytqan mälimdemesine beriktik tanıttı. Keşe älemdik aqparat qwraldarı katalondıqtardıñ dauıs beruine tosqauıl jasağısı kelgen policiya qızmetkerleriniñ küş qoldanu faktilerin jarısa jariyaladı. Jergilikti halıq tärtip saqşılarınıñ sonşa qatal bolatındığına birinşi ret kuä bolğandarın aytadı.

Karles Pudjemont katalondıqtarğa joldauında soñğı künderi körsetilgen qısımğa qaramastan, referendumğa qatısqan halqınıñ jeñisin erekşe atap ötti. Ol referendum nätijeleri Kataloniyanıñ Parlamentine joldanıp, aymaqtığın derbestigin ayğaqtaytın zañ qabıldanatının habarladı. Kataloniya köşbasşısı: "Euroodaq endi ünsiz otıra almaydı!", - dedi.

Policiya qızmetkerleriniñ birlesken küşimen jabılğan dauıs beru punkteriniñ naqtı sanı turalı derekter ekige jarıladı: Kataloniya 2 mıñ 300 dauıs beru punktiniñ 319-ı jabıldı dese, Ispaniya bwl körsetkişti 92 dep otır.

Ispaniyanıñ Prem'er-ministri Mariano Rahoy Kataloniyada bolğan jağdaydı "demokratiyanı kelekeleu" dep atadı. Ol Konstituciyanı bwzğan ärekettiñ zañdıq küşi bolmaytınına senimdi. Degenmen mıñdağan katalondıqtar öz änwranın şırqap, töl tuların jamılıp, alañğa jinaldı. Kataloniyadağı 7,5 mln azamattıñ barlığı birdey egemendikti qoldamasa da, halıqtıñ basım köpşiliginiñ Ispaniyadan enşisin aluğa wmtılısı joğarı ekenin bayqaladı.

“The Qazaq Times”