Saud Arabiyasındağı kölik jürgizgisi keletin äyelder osığan deyin mwnday qwqıqqa ie bola almay kelgen. Foto: Quartz.

Saud Arabiyasınıñ koroli 2018 jıldıñ mausımınan bastap, äyelderge jürgizuşi kuäligin beruge rwqsat etetin jarlıqqa qol qoydı. Bwl turalı BBC-diñ onlayn qızmeti habarladı.

Osığan deyin Saud Arabiyası äyelderge kölik jürgizuge rwqsat bermegen älemdegi jalğız el bolıp kelgen edi. Tipti mwnday qwqıqqa jetuge wmtılğan äyelderdi qamauğa alatın bolğan. Sondıqtan äyelderdiñ jürgizuşi kuäligine ie bolu isi Saud patşalığında köp jıldan beri talastı taqırıp boldı. Degenmen mıñdağan konservativti dinşilderdiñ qarsılığına wşırap keldi.

Atalğan eldegi Memlekettik resmi agenttiktiñ habarlağanınday, endigi jerde «Patşa jarlığımenen jol erejesi jäne kölik jürgizu qwqığı erler men äyelderge ortaq etip bekitilgen». Sonımen birge Saud Arabiyasınıñ koroli tüsirgen jarlıq boyınşa, endigi birneşe qwzretti orındar atalğan isti qalay jüzege asıru turalı qızmet tobın jasaqtap jatır. Jarlıq boyınşa keler jıldıñ mausım ayınan bastap Saud Arabiyasındağı äyelder älem elderindegi äyelderge wqsas kölik jürgizu qwqığına ie bola aladı.

“The Qazaq Times”