Foto: Naked-science.ru

«Ataqtı säuletşi Vinsent Kallebaut Bryussel'degi bwrınğı önerkäsiptik aymaqtardı qayta jöndeu koncepciyasın wsındı. Qoljetimdi energiya öndiretin ekologiyalıq taza ğimarattardı salu josparımen bölisti», – dep habarlaydı Naked-Science.

Bel'giyalıq arhitektor Vinsent Kallebauttıñ jaña örşil jobası Bryussel'di tehnologiyalıq twrğıdan da, ekologiyalıq twrğıdan da eñ taza audanğa aynaldıruğa zor üles qospaq. Koncepciya boyınşa, bwrınnan kele jatqan ğimarattarğa qayta jöndeu jwmıstarı jürgiziledi. Sonday-aq, «tiginen ornalasqan ormandar» qwrılısı sekildi özge de zäulim ğimarattardı «kiindirmek».

1900 jıldardıñ basında bwl önerkäsip audanı qoyma retinde paydalanılğan. Qazirgi uaqıtta jergilikti halıqtı ğana emes, turisterdiñ de nazarın audartatın mañızdı jañartular jüzege asırılıp jatır. Erterekte, qoyma retinde paydalanılğan orındar büginde keñse, twrğın üy, meyramhanalarğa aynalğan. Osını eskere kele, Vinsent Kallebauttıñ oyınşa, osı audandı ekologiyalıq taza energiya közderi bar şağın qalaşıqqa aynaldıru qajet.

Vinsent Kallebaut wsınğan koncepciyanıñ işki körinisi

Qwrılıstıñ mañızdı koncepciyalarınıñ biri – «tiginen ornalasqan ormandar». Taulı landşaftılarğa wqsas dizayndağı üş ğimarat salınadı.  Jaña qwrılıs jwmıstarı Bryussel' kanaldarınıñ boyımen jürgiziledi. Mwnda teñiz terminaldarı tüziletindikten, keñseler üşin audan işinde 50 mıñ şarşı metr orın payda boladı. Audandı qayta qwru nätijesinde qalanı 80 mıñ şarşı metr şamasındağı twrğın üylermen qamtamasız etedi.

Säuletşiniñ bwl jobası jüzege asatını äli de belgisiz. Alayda, ol (Vinsent Kallebaut) atalmış joba bolaşaqtağı osığan wqsas jobalarğa sebepşi bolarına senimdi.

"The Qazaq Times"