Daniya jasıl energiyalı jasandı aral qwrılısın jobalauda. Foto: Elektor Magazine

Klimat dağdarısı men eknergiya dağdarısı tayau on jıldıqtardıñ bastı mäselesine aynalğanın halıqaralıq qauımdastıq eskertude. Energiya qaynarlarına degen qajettiliktiñ artuına ilese klimat dağdarısı da arta tüsude. Qazir damığan elder parniktik gaz şığarındılarınan azaytu men kömirtekten birjola qwtıludıñ joldarın qarastıruda.

Bwğan deyin Britaniyanıñ osı bağıtta iri qadamdar jasağanına kuä bolğanbız. Endi Daniya ükimeti Soltüstik teñizde öz eline jäne Bl'giya, Niderland pen Germaniyağa elektr energiyasın beretin jäne qorşağan ortağa ziyanı joq jasandı aral jobasın bastadı.

18 futbol alañınday bolatın jasandı aral tolıqtay jel jäne kün energiyasınan paydalanıp elektr quatın öndiredi. Alğaşqı jobanıñ qwnı 34 mlrd AQŞ dollarına bağalanğan. Jağalaudan 80 şaqırım qaşıqtıqqa salınatın araldıñ kölemin bolaşaqta eki ese ülkeytu de közdelgen.

Daniya ükimeti bwnı el tarihındağı eñ ülken qwrılıs jobası dep tanıstırğan. Soltüstik teñizdegi tolassız jel energiyası men kün nwrınan jasıl energiya öndiretin jobanıñ qwrılısı 2034 jılı paydalanuğa beriledi. Osılayşa, Daniya kömirtektıñ auağa bölinuin 1990 jıldağımen salıstırğanda 70 payızğa azaytu turalı uädesin orındamaq.

Batıs elderiniñ bwl qadamdarı bolaşaq damu kriterii men jahandıq bastı tendenciya bolatının körsetedi.

“The Qazaq Times”