ساۋلەتشىلەر اعاشپەن «اپتالعان» الىپ عيماراتتار جوباسىن ۇسىندى

«اتاقتى ساۋلەتشى ۆينسەنت كاللەباۋت بريۋسسەلدەگى بۇرىنعى ونەركاسىپتىك ايماقتاردى قايتا جوندەۋ كونتسەپتسياسىن ۇسىندى. قولجەتىمدى ەنەرگيا وندىرەتىن ەكولوگيالىق تازا عيماراتتاردى سالۋ جوسپارىمەن ءبولىستى»، – دەپ حابارلايدى Naked-Science.

بەلگيالىق ارحيتەكتور ۆينسەنت كاللەباۋتتىڭ جاڭا ءورشىل جوباسى بريۋسسەلدى تەحنولوگيالىق تۇرعىدان دا، ەكولوگيالىق تۇرعىدان دا ەڭ تازا اۋدانعا اينالدىرۋعا زور ۇلەس قوسپاق. كونتسەپتسيا بويىنشا، بۇرىننان كەلە جاتقان عيماراتتارعا قايتا جوندەۋ جۇمىستارى جۇرگىزىلەدى. سونداي-اق، «تىگىنەن ورنالاسقان ورماندار» قۇرىلىسى سەكىلدى وزگە دە ءزاۋلىم عيماراتتاردى «كيىندىرمەك».

1900 جىلداردىڭ باسىندا بۇل ونەركاسىپ اۋدانى قويما رەتىندە پايدالانىلعان. قازىرگى ۋاقىتتا جەرگىلىكتى حالىقتى عانا ەمەس، تۋريستەردىڭ دە نازارىن اۋدارتاتىن ماڭىزدى جاڭارتۋلار جۇزەگە اسىرىلىپ جاتىر. ەرتەرەكتە، قويما رەتىندە پايدالانىلعان ورىندار بۇگىندە كەڭسە، تۇرعىن ءۇي، مەيرامحانالارعا اينالعان. وسىنى ەسكەرە كەلە، ۆينسەنت كاللەباۋتتىڭ ويىنشا، وسى اۋداندى ەكولوگيالىق تازا ەنەرگيا كوزدەرى بار شاعىن قالاشىققا اينالدىرۋ قاجەت.

ۆينسەنت كاللەباۋت ۇسىنعان كونتسەپتسيانىڭ ىشكى كورىنىسى

قۇرىلىستىڭ ماڭىزدى كونتسەپتسيالارىنىڭ ءبىرى – «تىگىنەن ورنالاسقان ورماندار». تاۋلى لاندشافتىلارعا ۇقساس ديزاينداعى ءۇش عيمارات سالىنادى.  جاڭا قۇرىلىس جۇمىستارى بريۋسسەل كانالدارىنىڭ بويىمەن جۇرگىزىلەدى. مۇندا تەڭىز تەرمينالدارى تۇزىلەتىندىكتەن، كەڭسەلەر ءۇشىن اۋدان ىشىندە 50 مىڭ شارشى مەتر ورىن پايدا بولادى. اۋداندى قايتا قۇرۋ ناتيجەسىندە قالانى 80 مىڭ شارشى مەتر شاماسىنداعى تۇرعىن ۇيلەرمەن قامتاماسىز ەتەدى.

ساۋلەتشىنىڭ بۇل جوباسى جۇزەگە اساتىنى ءالى دە بەلگىسىز. الايدا، ول (ۆينسەنت كاللەباۋت) اتالمىش جوبا بولاشاقتاعى وسىعان ۇقساس جوبالارعا سەبەپشى بولارىنا سەنىمدى.

"The Qazaq Times"