Foto: dw.com

Europalıq odaq keñesi kiberşabuıldarğa qarsı sankciyalardı 2022 jıldıñ mamırına deyin wzarttı. Resmi Bryussel' EO jahandıq twraqtı kiberkeñistikti qoldaytının jäne osı saladağı halıqaralıq ıntımaqtastıqtı nığaytu qajettigin atap ötti.

Şekteu şaraları qazirdiñ özinde 8 jeke twlğa men 4 kompaniyağa qatıstı jäne kiberqılmıskerlerdiñ Euroodaq aumağına kiruine tıyım saludı, olardıñ EO-ğa müşe memleketterdiñ bankterindegi şottarın bwğattaudı qamtidı.

Bwl sankciyalar mehanizmi alğaş ret 2020 jıldıñ şildesinde qoldanıldı. EO reseylik Aleksey Minin, Aleksey Morenc, Evgeniy Serebryakov jäne Oleg Sotnikovke Himiyalıq qaruğa tıyım salu wyımına (OZHO) kiberşabuıl jasağanı üşin ayıppwl saldı. Sodan keyin Qıtay men Soltüstik Koreyadan kelgen hakerlerge de sankciyalar engizildi.

Al bıltır qazanda EO Resey Federaciyası Qarulı Küşteri Bas ştabınıñ (bwrınğı GRU) basşısı Igor' Kostyukovqa, oficer Dmitriy Badinge jäne kriptografiyağa mamandandırılğan 85-şi arnayı qızmet ortalığına qatıstı şekteu şaraların engizdi. Odaq olardı 2015 jıldıñ säuir-mamır aylarında Germaniya Bundestagına kiderşabuıl jasadı dep ayıptadı.

"The Qazaq Times"