Foto: VVS

Ispaniya biligi Kataloniyanıñ täuelsizdigi üşin referendum ötkizu turalı bastamasına tosqauıl bolıp, dauıs beru byulletenderin qolğa tüsirip, jauaptı şeneunikterdi Sotqa şaqırtqan bolatın. Olardıñ birqatarı, aptasına bir ret Sot ğimaratına kelip twru şartımen bosatılğanımen, elde jappay jazalau şarası jürip jatqanı bayqaladı. Bwl turalı APF aqparattıq agenttigi jazdı. 

Osı jıldıñ  1 qazanına josparlanğan referendum ötkiziletin kün jaqındağan sayın, katalondıqtarğa körsetilgen qısım küşeyip keledi. Kataloniyadağı 700 merdiñ referendumğa qoldau körsetkeni ne Ispaniyanıñ twtastığın saqtauğa qızmet etkeni tekserilip jatır. Barlıq şeneunikterge tağılğan ayıp bireu: "olar ortalıq biliktiñ referendum ötkizuge jol bermeu turalı tapsırmasın orındamağan".

Osı uaqıtqa deyin "referendumdı ğalamtor arqılı nasihattadı" degen küdikpen web-paraqşalar jasağan 17 adam jauap beruge şaqırıldı.

2014 jılı Kataloniyada däl osınday referendum ötkizu şarası qolğa alınğan kezde, sol kezde öñir basşısı Artur Mass pen onıñ janındağı 8 şeneunikke el qazınasına 5,2 mln euro töleu mindeti jüktelip, onı orındauğa 15 kün berilgen edi. Sottıñ aytuı boyınşa, atalğan qarjı referendumnıñ wyımdastıru şarasına ketken.

Ispaniyanıñ Sırtqı İster ministri "Kataloniyadağı referendum jeñiske jetip, olar täuelsizdik turalı deklaraciya qabıldağanımen, onı özderinen basqa eşkim moyındamaydı. Barlığı Kataloniyanı Ispaniyanıñ qwramdas böligi esebinde ğana tanidı", - dedi.

“The Qazaq Times”