Qazaqstandıq üş advokat EQIW-ğa (OBSE) şağım tüsirdi – dep habarlaydı ca-news.org aqparat közi.

Pol'şanıñ Varşava qalasında ötip jatqan EQIW konferenciyasında Qazaqstannan barğan Äsel Toqaeva, Sergey Sizincev jäne Daniyar Kanafin QR Ädilet ministrligi dayındağan «Advokattıq jäne qwqıqtıq kömek» turalı zañdı qabıldamau kerektigin aytqan. Daniyar Kanafinniñ sözinşe, atalmış zañ jobası Qazaqstan Respublikasındağı täuelsiz advokattardıñ qazirge deyin jwmıs istep kelgen wyımdastıru men qarjı basqaru qızmetine kedergi jasaydı.

Al Äsel Toqaevanıñ aytuınşa, qazirgi tañda Qazaqstanda advokattıq qızmetpen aynalısu öte qiın. Öytkeni kez kelgen iste advokat klientin qorğau barısında belsendlik körsete bastaytın bolsa, onda advokattıñ öziniñ üstinen qılmıstıq is qozğalu, licenziyasınan ayıru sındı türli qorqıtular jasaladı.

Bwdan bölek Qazaqstandıq üş advokat EQIW (OBSE) jiınında 14 qazan küni Astana qalasında respublikalıq advokattar s'ezdin ötkizetinderin jäne sol jiında eldegi täuelsiz advokattardıñ qorğauğa baylanıstı mäseleler köteriletinin aytqan.

“The Qazaq Times”