Foto: EADaily

Türkiya prezidenti Rejep Tayıp Erdoğan resmi Uaşingtonnıñ Ankarağa qaru satudan bas tartqanın sınğa aldı – dep habarlaydı Associated press aqparat agenttigi.

Agenttiktiñ mälimetinşe,  AQŞ prezidenti Donal'd Tramp Türkiyağa qwnı 1,2 million dollardı qwraytın qaru-jaraqtı satudan bas tartqan. Tarmptıñ mwnday qadamğa baruına mamır ayında Aq üy aldında Erdoğan küzetşileri men ereuilşiler arasındağı qaqtığısı sebep bolğan.

Donal'd Tramp äkimşiliginiñ bwl şeşimin Rejep Tayıp Erdoğan AQŞ-ta ötip jatqan BWW Bas Assambleyasınıñ 72-şi otırısında söylegen sözinde: «Biz AQŞ-tan satıp alğımız kelgen qarudı Aq üy äkimşiligi bizge satpay, belgisiz sebeptermen Süriya terroristerine tegin taratıp jatır. Biz amerikalıq äriptesterimizden olardıñ mwnday qadamğa ne üşin barıp otırğanın swrağımız keledi. Biraq bwl swraqtarğa AQŞ tarapınan jauap ala almağan soñ, strategiyalıq äriptesimizge ayauşılıq közben qaraudan basqa amalımız joq» - dep sınğa alğan.

Esteriñizge salayıq, bwğan deyin BAQ betterinde "Aq üy äkimşiligi Rejep Tayıp Erdoğan küzetşilerine arnalğan qwnı 1,2 million dollar twratın qaru-jaraqtı satudan bas tarttı" degen aqparat tarağan. Biraq bwl aqparattı AQŞ memlekettik departamenti rastaudan bas tartqan.

“The Qazaq Times”