فوتو: EADaily

تۇركيا پرەزيدەنتى رەجەپ تايىپ ەردوعان رەسمي ۋاشينگتوننىڭ انكاراعا قارۋ ساتۋدان باس تارتقانىن سىنعا الدى – دەپ حابارلايدى Associated press اقپارات اگەنتتىگى.

اگەنتتىكتىڭ مالىمەتىنشە،  اقش پرەزيدەنتى دونالد ترامپ تۇركياعا قۇنى 1,2 ميلليون دوللاردى قۇرايتىن قارۋ-جاراقتى ساتۋدان باس تارتقان. تارمپتىڭ مۇنداي قادامعا بارۋىنا مامىر ايىندا اق ءۇي الدىندا ەردوعان كۇزەتشىلەرى مەن ەرەۋىلشىلەر اراسىنداعى قاقتىعىسى سەبەپ بولعان.

دونالد ترامپ اكىمشىلىگىنىڭ بۇل شەشىمىن رەجەپ تايىپ ەردوعان اقش-تا ءوتىپ جاتقان بۇۇ باس اسسامبلەياسىنىڭ 72-ءشى وتىرىسىندا سويلەگەن سوزىندە: «ءبىز اقش-تان ساتىپ العىمىز كەلگەن قارۋدى اق ءۇي اكىمشىلىگى بىزگە ساتپاي، بەلگىسىز سەبەپتەرمەن ءسۇريا تەرروريستەرىنە تەگىن تاراتىپ جاتىر. ءبىز امەريكالىق ارىپتەستەرىمىزدەن ولاردىڭ مۇنداي قادامعا نە ءۇشىن بارىپ وتىرعانىن سۇراعىمىز كەلەدى. بىراق بۇل سۇراقتارعا اقش تاراپىنان جاۋاپ الا الماعان سوڭ، ستراتەگيالىق ارىپتەسىمىزگە اياۋشىلىق كوزبەن قاراۋدان باسقا امالىمىز جوق» - دەپ سىنعا العان.

ەستەرىڭىزگە سالايىق، بۇعان دەيىن باق بەتتەرىندە "اق ءۇي اكىمشىلىگى رەجەپ تايىپ ەردوعان كۇزەتشىلەرىنە ارنالعان قۇنى 1,2 ميلليون دوللار تۇراتىن قارۋ-جاراقتى ساتۋدان باس تارتتى" دەگەن اقپارات تاراعان. بىراق بۇل اقپاراتتى اقش مەملەكەتتىك دەپارتامەنتى راستاۋدان باس تارتقان.

“The Qazaq Times”