Foto: MIGnews

AQŞ Oñtüstik Koreya aumağına yadrolıq qaru ornalastıruğa dayın – dep habarlaydı Nemis tolqını aqparat agenttigi.

Bwl jayında AQŞ qorğanıs ministri Djeyms Mettis qırküyektiñ 18-i küni jurnalister aldında söylegen sözinde ayttı. «Biz Soltüstik Koreyanıñ yadrolıq qaruına qarsı jasaytın birneşe qadamımız bar. Solardıñ biri Oñtüsitk Koreya aumağına özimizdiñ yadrolıq qaruımızdı ornalastıru. Bwl bizdi de, odaqtastarımızdı da Soltüstik Koreya arandatuınan qorğaydı. Qazirgi tañda Uaşington men Seul arasında osı mäselege baylanıstı kelissözder jürip jatır» - degen ol.

Bwğan deyin AQŞ-tıñ Birikken Wlttar Wyımındağı twraqtı ökili Nikki Heyli: «Egerde Soltüstik Koreya AQŞ-qa nemese onıñ odaqtastarına qauip töndiretin bolsa, onda jer betinen joyılatın boladı » - degen bolatın. Al Ispaniya biligi Soltüstik Koreyanıñ qırküyektiñ 15-i küni ötkizgen zımıran sınağınan keyin, KHDR elşisin non grat adamı dep atap, oğan qırküyektiñ 30-na deyin elden ketuge uaqıt bergen edi.

“The Qazaq Times”