اقش وڭتۇستىك كورەيا اۋماعىنا يادرولىق قارۋ ورنالاستىرۋعا دايىن

اقش وڭتۇستىك كورەيا اۋماعىنا يادرولىق قارۋ ورنالاستىرۋعا دايىن – دەپ حابارلايدى نەمىس تولقىنى اقپارات اگەنتتىگى.

بۇل جايىندا اقش قورعانىس ءمينيسترى دجەيمس مەتتيس قىركۇيەكتىڭ 18-ءى كۇنى جۋرناليستەر الدىندا سويلەگەن سوزىندە ايتتى. «ءبىز سولتۇستىك كورەيانىڭ يادرولىق قارۋىنا قارسى جاسايتىن بىرنەشە قادامىمىز بار. سولاردىڭ ءبىرى وڭتۇسىتك كورەيا اۋماعىنا ءوزىمىزدىڭ يادرولىق قارۋىمىزدى ورنالاستىرۋ. بۇل ءبىزدى دە، وداقتاستارىمىزدى دا سولتۇستىك كورەيا ارانداتۋىنان قورعايدى. قازىرگى تاڭدا ۋاشينگتون مەن سەۋل اراسىندا وسى ماسەلەگە بايلانىستى كەلىسسوزدەر ءجۇرىپ جاتىر» - دەگەن ول.

بۇعان دەيىن اقش-تىڭ بىرىككەن ۇلتتار ۇيىمىنداعى تۇراقتى وكىلى نيككي حەيلي: «ەگەردە سولتۇستىك كورەيا اقش-قا نەمەسە ونىڭ وداقتاستارىنا قاۋىپ توندىرەتىن بولسا، وندا جەر بەتىنەن جويىلاتىن بولادى » - دەگەن بولاتىن. ال يسپانيا بيلىگى سولتۇستىك كورەيانىڭ قىركۇيەكتىڭ 15-ءى كۇنى وتكىزگەن زىمىران سىناعىنان كەيىن، كحدر ەلشىسىن نون گرات ادامى دەپ اتاپ، وعان قىركۇيەكتىڭ 30-نا دەيىن ەلدەن كەتۋگە ۋاقىت بەرگەن ەدى.

“The Qazaq Times”