Foto: sez.kz

Qazaqstannıñ bank sektorı 203,9 mlrd teñge şığınğa wşıradı. Bir ay bwrın tabıs kölemi 204,0 mlrd teñge bolğan. Osılayşa bir banktiñ şığını basqa narıqqa qatısuşılardıñ jalpı tabısınan eki esege joğarı bolıp otır. Soñğı ret bankterdiñ qañtar-şilde ayındağı şığını 2012 jılı tirkelip, 1,3 trln teñge bolğan. Bwl turalı ranking.kz saraptama agenttigi habarladı.

Al 2016 jıldıñ şilde ayındağı esep boyınşa tabıs 243 mlrd teñge bolğan jäne bwl 2010 jıldan keyin tirkelgen eñ joğarğı körsetkiş.

Sonımen 2017 jıldıñ qañtar-şilde ayında 33 ekinşi deñgeyli banktiñ  5-eui şığın bolğan. Al ötken jılı 35 banktiñ 3-eui keri nätije körsetken.

Tabısqa ie bolğan bankterdiñ arasında birinşi orında Halıq bank twr. Qarjı institutınıñ tabısı - 88,3 mlrd teñge boldı jäne ötken jılğa qarağanda 26,0%-ğa joğarı. Kaspi Bank 26,7 mlrd teñge tabıspen ekinşi orında. Tabıs ötken jılğa qarağanda 83,8%-ğa joğarı. Al üşinşi orınğa 14,6 mlrd teñge tabıspen Twrğın üy qwrılıs jinaq banki jayğasqan.

Jalpı QR bankteriniñ jalpı körsetkişine Qazkom (405 mlrd teñge) şığındarı aytarlıqtay äser etken. Euraziyalıq bank, Delta, Capital jäne Qazaqstandağı Päkistan Wlttıq bankiniñ jalpı şığını 15,6 mlrd teñge.

Osılayşa ekinşi deñgeyli bankterdiñ şığını jalpı tabıs köleminen 165,8 mlrd teñgege artıq bolıp otır. Tabıs salığına ketken şığındar 38,1 mlrd teñge boldı.

Ayta keteyik, QR Wlttıq banki şilde ayında Qazaqstandağı iri bankterdi qoldau bağdarlamasınıñ bastalğanı turalı habarlağan. Bağdarlamağa 500 mlrd teñge jwmsaluı mümkin jäne ol bankterdiñ jiıntıq kapitalı 1 trln teñgege jetkenşe 15 jılğa sozıladı.

Degenmen  ay sayın şığınğa wşırap otırğan bankterdi sauıqtıru turalı Wlttıq banktiñ bwl şeşimi asa dwrıs emes. Öytkeni bankter memleket byudjetine senip, qarajattı tek "jelge şaşuı" mümkin.

“The Qazaq Times”