![](https://qazaqtimes.com/kk/content/uploads/2021/02/vvappyavp-800x480.jpg?token=71d819dcec1d23cdc559c8b24557de3c)
Salıq qızmeti Adam qwqığı jäne zañdılıqtı saqtau halıqaralıq byurosı üstinen qozğalğan is-öndiristi toqtattı. Byuronıñ qızmetine qoyılğan üş aylıq şekteu jäne 800 AEK köleminde kesilgen ayıppwl alınıp tastaldı. Sonımen qosa, «Qwqıqtıq media ortalıq» jäne «Eho» wyımdarına qatıstı äkimşilik is toqtağan.
«İs zañ bwzuşılıqtıñ mardımsızdığınan jabıldı. Qwzırlı organ ökilderiniñ pikirinşe, zañ bwzuşılıqtarğa jol berildi, biraq bwl jauapqa tartılatınday mañızdı emes. Dese de wyım şeşimge şağımdanadı, öytkeni mwnda zañ bwzuşılıq qwramı joq. Hattama toltırılğanğa deyin barlığı tüzetilgen edi. Al hattamanıñ özi keyingi merzimmen jasalğan. Tipti qate bolğan künde de mwnday deñgeyde jauapqa tarta almas edi. Biz isti tolığımen joyuğa tırısamız», – dedi KMBPÇ saytınıñ redaktorı Andrey Grişin.
«Qwqıqtıq media ortalıq» wyımınıñ basşısı Diana Okremovanıñ aytuına qarağanda, wyım alğaş ret äkimşilik iske ilikken.
«İs äkimşilik qwqıq bwzuşılıq qwramınıñ bolmauınan toqtadı. Biz MediaNet siyaqtı mwnday jağdayğa birinşi ret tap boldıq, alayda soğan qaramastan ayıppwl men jwmıstı uaqıtşa toqtatu qaupi töndi. Qalay degenmen de jeñis biz jaqta. İsti bügin qarau kerek edi, biraq bıltırğı qaraşa ayınan beri sot otırısın şegerip keldi. Evgeniy Jovtis aytqanday, «sayasat aralasqan jerde zañdar jwmıs istemeydi». Mwnıñ bäri ülken oyın boldı, dese de «suıq aqıl» jeñip şıqtı», – dedi ol..
Naqaq ayıppwl arqalağan bes birdey wyımnıñ biri «Eho» qoğamdıq birlestiginiñ üstinen qozğalğan äkimşilik is te kilt toqtadı.
«Birinşi hattama boyınşa is qwqıq bwzuşılıqtardıñ bolmauınan, ekinşi hattama boyınşa qwqıq bwzuşılıqtıñ eleusizdiginen jabıldı. Ayıppwl da, qızmetti toqtata twru da alınıp tastaldı. Bwl bizdi quantqanı ras, biraq qalay degenmen de biliktiñ mwnısı qate boldı», − dedi wyım prezidenti Pavel Lobaçev.
Bıltır küzdiñ soñına qaray azamattıq jäne adam qwqıqtarı jönindegi jeti birdey wyım, salıq organdarınıñ qısımına wşırağanın jariyalağan. Olarğa baqılau organdarınan birneşe jılğı esepterinde qwqıq bwzuşılıq faktileri anıqtalğanı turalı habarlama kelgen. Saldarınan ükimettik emes wyımdarğa kölemdi ayıppwldar men qızmetin uaqıtşa toqtatu qaupi töngen. Wyımdar bwl qısımdı Mäjilis pen mäslihattar saylauı qarsañındağı «sayasi astarlı qısım» degen.
Qañtar ayınıñ ortasında 20 jıldan astam saylaudı baqılaumen aynalısıp kelgen «Eho» birlestigine qızmetin uaqıtşa toqtatuğa şeşim şığarıldı. Al qañtardıñ 25-i Adam qwqıqtarı jönindegi byuroğa tört birdey hattama boyınşa 800 AEK (2,3 mln t) mölşerinde ayıppwl salınıp, 15 säuirge deyin qızmeti şekteldi.
Särsenbide Memlekettik kirister basqarması MediaNet Halıqaralıq jurnalistika ortalığı men «Erkindik qanatı» qoğamdıq qorına şığarılğan şeşimniñ küşin joyıp, qalğan özge beyükimettik wyımdarğa qatıstı äkimşilik öndiristi jaba bastadı.
Osığan deyin halıqaralıq adam qwqığın qorğau wyımdarı ükimettik emes wyımdardı «qudalau men olarğa qısım körsetu kampaniyasın» sınap, astananı qarjılıq esep beru erejelerin asıra paydalanbauğa jäne qısımdı toqtatuğa şaqırğan. Tağı bir halıqaralıq qwqıq qorğau wyımı Human Rights Watch (HRW) Ükimettiñ äreketin «repressiyaşıl şara» retinde ayıptağan. Bwğan Halıqaralıq Transparency International (TI) wyımı da ün qosıp, azamattıq qoğam öziniñ qoğamdıq baqılau funkciyasın atqaru mümkindiginen ayırılsa Qazaqstannıñ «jemqorlıqpen küres salasında keri ketui oñay» ekenin eskertken.
Qazaqstan sırtqı ister ministri äri vice-ministr Mwhtar Tileuberdi 26 qañtarda «ükimettik emes wyımdardıñ jwmısın toqtatu eldiñ halıqaralıq bedeline nwqsan keltiredi» dese, memlekettik kiris komitetiniñ törağası Marat Swltanğaziev aqpannıñ basında mwnday tekserister wdayı jürgiziletinin alğa tartqan.