Foto: Tengrinews.kz

QR Prezidenti Nwrswltan Nazarbaev Qazaqstanda latın älipbiin engizuge qatıstı pikirin bildirdi. 

"Latınğa köşu bärin de alañdatıp otır. Bwl jayında köp aytıldı. Bizdiñ ğalımdar meniñ tapsırmammen wzaq uaqıt jwmıs istep, barlıq tarihtı qarap  şıqtı", - dedi Prezident Aqordada ötken otandıq jäne şeteldik jurnalistermen kezdesui barısında.

Sonday-aq, ol türki tildes körşi elderdiñ täjiribesi qaralğanın atap ötti.

"Körşi Özbekstan, Türkiyanıñ qalay engizgeni olardıñ täjiribesi qaraldı. Men komp'yuterge birden qoya salu üşin noqat bolmau keregin ayttım. Olardıñ (Özbekstan, Türkiya) noqatı, ütiri bar. Al qazaq tilinde tek özine tän 8 ärip bar. Osılardı naqtılau qajet. Mäsele osında», - dedi Nazarbaev. - Konsensus bolğanda, til bilimi mamandarı men tarihşılar ortaq kelisimge kelgende de men jaña älipbi jayında jariya etemin. Bwl erteñ osı älipbi qoldanısqa enedi degen söz emes"

Sonday-aq, Nwrswltan Nazarbaev  orıs tildiler üşin kirilica da qoldanıla beretinin jäne 2022 jıldan bastap 1 sınıp latın älipbiimen oqitının atap ötti.

"Men mwnı tez boladı dep oylaymın. Öytkeni, büginde barlıq balalar ağılşın tilinde oqidı. Al ol latınşa. Sizder men biz üşin de bwl ülken mäsele bolmauı tiis", - dedi Nazarbaev.

Ayta keteyik, 11 qırküyek küni Parlamentte latın älipbiiniñ nwsqası tanıstırılğan edi. Jaña joba boyınşa qazaq tiline tän 8 dıbıs qos ärippen beriledi. Al bwl qoğamda ülken rezonans tudırıp otır.

“The Qazaq Times”