Fillipindegi zañ şığaruşı organ Rodrigo Duterteniñ esirtkige qarsı soğıs kampaniyasında twtqındalğandar men qolğa tüsiru kezinde sotsız atılğan azamattardıñ isin zertteumen aynalısatın qoğamdıq qwqıq qorğau wyımınıñ byudjetin  1 mıñ pesoğa (20 $, 15 £) deyin qısqartu turalı şeşim qabıldadı. Bwl turalı VVS aqparattıq agenttigi jazdı. 

Adam qwqıqtarı jönindegi komissiyanıñ jwmısına bölinetin qarjını şekteu turalı wsınıstı Kongresstegi 119 adam qoldap, tek 32 deputat qana qoğamdıq wyımnıñ paydasına dauıs bergen. Kongresstiñ spikeri Pantaleon Alvares qwqıq qorğau wyımınıñ eş paydası joq dep taptı. Al atalğan şeşimge qarsılıq bildirgen top bwl qadam arqılı memleket Rodrigo Duterteniñ esirtkige qarsı soğıs sayasatın qatañ sınağan wyımğa jaza belgilep otırğanına senimdi.

Esteriñizge sala keteyik, Filippinniñ Prezidenti Rodrigo Duterteniñ eldi naşaqorlar men esirtki saudasımen aynalısatın qılmıskerlerden tolıq tazartu üşin qolğa alğan sayasatınıñ şeñberinde mıñdağan azamat öltirilip, küdikti dep tanılğan jergilikti jäne şeteldik azamattar abaqtığa jabıldı. Bwl sayasat älemdik qauımdastıq tarapınan köp sınğa wşırağan bolatın.

Adam qwqıqtarı jönindegi Komissiya 2018 jılğa 1,72 mlrd peso (34 mln $, 25 mln £) swrağan bolatın. 2017 jılı memleketten 749 mln peso alğan  wyım 2018 jılı ol qarjınıñ onnan bir böligine de qol jetkize almaytın boldı.

Jergilikti telearnağa bergen swhbatında Pantaleon Alvares: "Eger olar qılmıskerlerdiñ qwqıqtarın qorğağısı kelse, wyımnıñ byudjet şığındarın da sol qılmıskerler ötesin!", - dedi.

Eldegi täuelsiz wyımğa qarsı qoldanılğan bwl şaranı qoldamaytındar äli Senattıñ maqwldauın talap etetin zañ jobasınıñ  ol jerde de Prezidenttiñ ıqpalımen köp dauıs jinap, qabıldanıp keterinen küdiktenedi.

“The Qazaq Times”