Foto: ru.forex.ooo

Barselonada osı jıldıñ 1 qazanına josparlanğan Kataloniyanıñ täuelsizdigin anıqtauğa arnalğan referendumdı qoldau şarası ötti. Oğan 1 millionğa juıq adam qatısıp, "Referendum degen - demokratiya" dep wrandatqan. 

Kataloniyanıñ Wlttıq künine oray wyımdastırılğan beybit akciyağa qosılğandar: "Bizdiñ dauıs beru qwqığımızdı eşkim de tartıp ala almaydı. Biz 1 qazan küni Kataloniyanıñ täuelsizdigi üşin dauıs beremiz" dep mälimdedi.

Esteriñizge sala keteyik, osıdan bwrın ortalıq bilik referendum ötkizu Ispaniyanıñ  Konstituciyasına qayşı keletinin aytıp, öz qarsılığın bildirgen bolatın. Kataloniyadan qol üzip qalğısı kelmeytin Ispaniya biligi olardıñ täuelsizdik aluına barınşa tosqauıl bolatının habarlağan edi.

“The Qazaq Times”